PARISIEN. 493

denunciationes vero Parisiis peragendas nonnisi consilium praebet.

Nec accusari potest parochus Maillot quod in consilio a curia quaerendo minus exacte et pro animi sui voto facti circumstantias retulerit : suspicionem namque hanc esse te- merariam, nulloque solido argumento innixam vult defensor. Imo et in verisimilem. Nam Maillot a ducissa adeo erat in- dependens, ut alia vice, cum ageretur de quadam in templo capella amplianda, ducissae restiterit.

Quapropter cum matrimonium, tot inquisitionibus praeviis, tot solemnitatibus impletis, tantaque pompa coram sacerdote qui a curia episcopali, et ab ipso parocho parisiensi, qui contenditur proprius, admissus et recognitus fuit, dubitari non posse de matrimonii valore.

In tertio orationis capite defensor contendit familiam Le- jeune, praeter domicilium urbanum, possedisse et rurale in pago Epinay. De iis enim qui pluribus in locis incolunt ro- manum ius in L. 5 ff. Ad municip. haec cavet: « Labeo iudicat, eum qui pluribus in locis ex aequo negotietur, nus- quam domicilium habere : quosdam autem dicere refert, plu- ribus in locis eum incolam esse aut domicilium habere, quod verius est. » Idque firmatur in X. 18 § C eis us eod. et in L. 5 ff. % penult. eod. - ibi - « Viris prudentibus placuit, duobus locis posse aliquem habere domicilium, si utrobique ita se instruxit ut non ideo minus apud alteros se collocasse videatur. » Unde Sánchez Be matr. lib. 3 disp. 24 n. 2 concludit, quod « quando quis duplicem parochiam habita- tionis sortitur, quod tunc evenit quando aequaliter in utro- que habitat, ut in hieme in una, in aestate in altera, posse coram parocho utriusque matrimonium inire... Aequaliter autem non intelligas mathematice, sed morali modo. » In- dicia autem et elementa ex quibus de suscepto domicilio constat, ita romana lex L. C. de inc. describit: « In eodem loco singulos habere domicilium non ambigimus, ubi quis larem rerumque ac fortunarum suarum summam constituit, unde rursus non sit discessurus, si nihil avocet, unde cum