494 NEAPOLITANA

in eo est, ut verum matrimonium leves in auras amandet. In civili fuit impotentia Eduardi, in iudicio ecclesiastico historica Adeliae physica integritas est machina belli. Quam quidem Adeliae physicam virginitatem immerito, nisi me ipse fallo, probatam censent lectissimi theologus et cano- nista consultores.

Enimvero desideratur argumentum princeps, aspectus scilicet corporis mulieris. Quae res quam maximi ponderis est praesenti in causa. Etenim Adelia, cum actum est de relaxatione matrimonii, quod illa cum alio viro priusquam Eduardo ligaretur, contraxerat, probe cognovit se eatenus iudicio non cecidisse, quatenus ab archiatris, corpore de mandato iudicis explorato, virgo renuntiata est. Non facile itaque inducor, ut credam Adeli am, quando ab Eduardo di- vertit femina ferme quadragenaria, e naufragio tabulam proiecisse.

Credam potius virginitatem iamdudum a vaferrima mu- liere amissam.

Nec magis fìdendum est in Eduardo. Si ipsum enim au- dias, matrimonium ideo non consummatum est, quia Adelia noluit. Iam vero hoc a verisimilitudine omnino abhorret. Compertissimum namque est, Adeliam, quemadmodum fuso calamo eximius consultor theologus demonstrat Eduardo non solum denupsisse cogente nemine, sed utilitate simul atque amore fuisse ad nuptias adductam. Non autem genu coniu- galis abstemiam esse Adeliam luculenter demonstrat triplex, qua iam laetatur, proles.

Roget quis, quid si Adeliae non voluntate, sed Eduardi potius genitalium virium inertia factum sit, ut matrimonium minime consummare tur ? Repono : si ita esset, non Eduardus in iudicio ageret. Quid enim emolumenti ex intentata actione sperare ipse posset ? Profecto visione matrimonii propter viri impotentiam non consummati paulisper admissa, omnia iura clamant ne matrimonium relaxetur absque clausula « Vetito viro transitu ad alias nuptias ».

Quibus animadversis, proposita fuerunt diluenda