b e r g o m e l N . 495

Et insuper an munus Cancellarii et coeremoniarii Epi- scopi satis sit ut dispensetur legitime a residentia chorali pro diebus et horis quibus munera implet praedicta.

D i s c e p t a t i o s y n o p t i c a

In solutionem quaestionum haec advertere praestat. Sane difficultas in hoc tota consistit, an Capellanus institutus in Capellania residentiali ab Antonio Negronio erecta, pro Cathedrali Eccles. Bergomen., iure polleat obtinendi alia officia seu onera incompatibilia cum obligationibus susceptis ex Capellania Negroni. Equidem ius ecclesiasticum positi- vum constituit expresse dumtaxat incompatibilitatem plu- rium beneficiorum, prouti, iure novo, iussit Concil. Trid. Sess. 7 De Ref., c. 2, et Sess. 24, cap. 17; sed ipsum ius naturale dictat ; nemini fas esse obtinenti aliquod officium, aliud capessere, quamobrem possessori haud possibile sit uni et alteri, pro susceptis oneribus, satisfacere. Quod praece- ptum videtur implicite, sed satis expresse contineri in ta- bulis fundationum Capellaniae Negroni ; siquidem illa clau- sula unde non eximitur Capellanus ab officio chorali diebus festis nisi iusto impedimento cessante, et a missis quoti- dianis celebrandis, nisi esset rationabiliter impeditus vel oc- cupatus, et tunc per alium faciat celebrare; huiusmodi clau- sula, inquam, expresse significat, testatorem considerasse impedimenta non perpetua et, suapte natura, permanentia, qualia sunt illa promanantia ex officio incompatibili, sed ea dumtaxat quae inopinate accidunt et evanescere, vi sua, nata sunt. Quare cavit : « et haec omnia fiant PERSONALITER per supradictum Capellanum ».

Quaestio parum dissimilis ab hodierna controversia agi- tata fuit apud S. C. C. in Neapolitana Capellaniarum, die 14 Aprilis 1725. Cum domus SS. Annuntiationis Civitatis Neapolitanae multis Missarum oneribus in praeteritum non celebratarum et in posterum celebrandarum esset magnopere gravata et eiusdem officiales recursum habuissent ad S. Apo- stolicam pro opportuno remedio, Clem. VIII demandavit, ut