BERGOMEN. 497

Acta, Tom. XXXIII. fase. CCCXCII. 32

clam incompatibilitatem ; eoque fortius quia unaquaeque Ca- pellania non habet in reditu nisi quinque ducata quolibet mense, qua tenuitate concurrente, infertur ad residentiam causative; et etiam quia si Breve Clementinum in casu im- pedimenti contingenti^ in qualibet hebdomada permittit ad- implementum Missarum per alium Sacerdotem, iam iudicium ferendum esse videtur in hypothesi in qua impedimentum ad perpetuum tempus vel ad aliud temporis spatium ultra hebdomadale protrahatur. Omnibus perpensis E E . PP. pro- positum dubium sequenti responsione expedierunt : « Ad pri- mum negative, hoc est quoad incompatibilia cum celebra- tione Missarum per seipsos ».

Ex adverso, adverti debet in themate non posse urgeri re- sponsionem supra adductam, quia incompatibilitas officiorum maxime ponderanda est ex reditibus quibus officia instructa sunt. Quandoquidem esset irrationabiliter invitus officii cu- iusque fundator si prohiberet quominus officialis aliis officiis navaret operam, quamvis ex illo officio reditus non reciperet necessarios ad vitam agendam. Sed ex actis non constat, quinam reditus cohaereant Capellaniae in themate ; quam- obrem exquisivi a Curia Bergomen, ut E E . PP. certiores reddantur de quantitate redituum qui ex dote Capellaniae percipiuntur.

Ceterum etsi reditus Capellaniae dicendi essent sufficien- tes, nihilominus prouti ob penuriam Sacerdotum aut ob alias causas omnino proprias adiunctis nostrorum temporum, non semel S. C. C. dispensare solet ab ipsa incompatibilitate be- neficiorum, ita sapientia et prudentia E E . PP. deliberabit an multo magis locus sit dispensationi aut cuique alii pro- visioni in casu.

Quibus animadversis, quaesitum fuit, quid precibus esset respondendum.

RESOLUTIO. Sacra C. C. re discussa sub die 1 5 Decem- bris 1 9 0 0 censuit respondere : Causas allatas non esse iustum impedimentum.