498. De sancto Winoco.

Ad Vesperas.

1. Rerum cuncta gerens, arbiter orbis,
Jesu, perpetuum cum patre numen,
Irrorans animas imbre salubri,
Reple corda tui flaminis igne.

2. Winoei famuli festa colentes

Primum, summe, tibi vota sacramus,
Tantae militiae solvimus hymnos,
Cujus coelituo lumine fulsit.

3. Ortus nobilibus sanguinis alti
Dimisit patriam, regna parentum,
Quaerens pauperiem schemate vili
Virtutnm meruit dote beari.

4. Fari dignus erat nomine pastor,
Cunctis se famulum praetulit actis,
Enitens manibus vel vice servi
Exempla dederat digna sequendi.

5. Virtus ipsa molam summa rotabat,
Fletus dulcifluos ipse trahebat,
Orans multiniodam mole farinam
Dignis luminibus cernere stabat.

6. Cernens pravus homo decidit arvis,
Lumen perdiderat, membra, vigorem,
Oravit pius hic, mox fore sanum,
Egit cunctipotens vota precantis.

7. Dilectus superis junctus in astris
Splendet perpetuo munere comptus,
Comptus perpetuis usque coronis
Reddit digna Deo carmina laudum.

8. Sit laus perpetua cunctipotenti
Patri, sitque suae gloria proli,
Sancto spiritui tempore cuncto,
Qui semper Deus est trinus et unus.