498 PARISIEN.

D u b i u m

An sententia curiae Parisiensis sit confirmanda vel in- firmanda in casu.

R E S O L U T I O . Sacra C. Concilii, re discussa sub die 14 De- cembris 1889, censuit esse respondendum: Sententiam esse confirmandam.

Ex QUIBUS C O L L I G E S I. Ad constituendum parochum pro- prium causa ineundi matrimonii, requiritur domicilium, quod est locus perpetuae habitationis; vel quasi domicilium quod est locus in quo quis transire constituit maiorem anni partem.

II. Ideo Parochum ruralem non esse proprium et verum parochum, quando rus itur causa recreationis vel pro rusti- canis negotiis : et ideo nulliter apud eundem matrimonium contrahitur.

III. Intentionem pro constituendo quasi-domicilio, colligi posse ex fine commorationis; et ideo si finis est precarius, et importans moram indeterminatam, et prorsus a voluntate commorantis dependentem, quasi domicilium non acquiritur.

IV. Unanimem esse omnium doctrinam perpetua sacro- rum tribunalium praxi firmatam, matrimonia coram Parocho eius loci, ubi quis rusticari solet contracta, esse nulla.

V. Aliquem posse duplicem habere domicilium et dupli- cem habitationis parochiam, quando aequaliter in utraque habitet; et posse coram parocho utriusque inire matrimo- nium.

VI. In themate parochum loci Epinay relate ad familiam Lejeune non fuisse nisi parochum ruralem illius loci ad quem dicta familia se conferebat, non frequenter, recreationis causa, aut ad negotia rusticana curanda : domus illius ruris haud erat aequaliter habita ta.