504 EX S. C. CONCILII

nus magistri et eatechetae impleverit et, si ille Beneficiatus supra enumeratas obligationes non adimplevit, semper ut le- gitime impeditus habitus sit, attamen distributionibus chora- libus caruerit, quin tamen muletas unquam persolvere de- buerit ».

« Res hic expositae veritate nituntur et infrascriptum ad tres enumeratas gratias petendas eo magis impellunt, cum ipsi etiam officium praesidis societatis catholicae opi- ficum ab Ordinario demandatum sit ».

Episcopus enixius commendat oratoris instantiam. Capi- tulum percontatum de sua sententia haec reposuit : « Primae precum parti provisum videtur, cum statuta capitularia prae- scribant : Haec missarum distributio Sacrarii Directori ita erit demandata, ut necessaria sit semper approbatio Prae- positi, cuius prudentiae committitur, ut eos ab hoc onere ad tempus solvat, quos aut aegra valetudo, aut alia legi- tima causa eximendos suadebit ».

« Causam difficultatis quoad officium vespertinum esse negotium scholasticum, ad quod nec capitulum qua tale, nec membra eius singula obligationem ullam habent, constat. Si hoc, Orator iuxta statuta illegitime a choro absens est. Membrum autem quodcumque, quod illegitime absens est, iuxta usum inde a restauratione capituli anno 1855 peracta vigentem non amittit distributiones, sed muleta afficitur, quia tales sunt, ut earum amissio esset ridicula ».

« Insuper orator tanquam catecheta scholae elementaris maioris, pro qua schola ei a capitulo remuneratio statuta solvitur, nullas distributiones percipit iuxta statuta capitu- laria : Si enim... remuneratio assignata fuerit, qui hac frue- tur, iure distributiones lucrandi carebit ».

« Fatendum demum, difficultatem ad officium vesperti- num in choro persolvendum dependere a voluntate oratoris, cum tali negotio ad quod tamquam membrum capituli non obligatur, una cum officio vespertino satisfieri possit. Nam aut negotia scholastica ante meridiem persolvat, ad quod ipsa lex civilis saltem quoad maiorem partem ius et obli-