506 EX S. C. RITUUM

perturbatio apprime detergerei. Quo autem virtutis studium latius proferret, prolatumque foveret, omni ope connisus est ut pietas erga Christum Dominum in Sacramento Augusto delitescentem, magis magisque excitaretur; eumque in finem Sacram Hostiam e sublimi throno in triduum publice adorandam instituisse fertur. Alia quoque virum sanctissimum fatigabat cura, ut moribus spectatissimis in populo niterent, vitamque ex Religionis nostrae disciplina exigèrent, qui Christi Domini sacerdotium mirent. Illud pariter eius menti perpetuo occursabat, ut optimis informata institutis adolesceret in Ecclesiae spem iuventus, eorumque mores ad pietatem mature effingerentur.

At, qui plane intelligebat unius hominis humeros tanto ponderi ferendo pares non esse, partemque quam non recusa- bant, non ultra tumulimi porrigi, sodales sibi adiungere decernit qui coeptum a se opus insistant. Quare cum Bartholomaeo Ferrari et Iacobo Morigia viris nobilissirnis, aeque ac pientissimis, collatis consiliis, Societatem Mediolani condit, Sodalibusque nomen indit Clericorum S. Pauli; illius nimirum Apostoli, quem B. Antonius sibi et patronum et exemplar ad imitandum assumpserat . Barnabitae serius sunt appellati ab aede beati Barnabae, quae fuit illis concredita. Haec Societas a Clemente VII et Paulo III Romanis Pontificibus rite sancteque fuit approbata: quam autem bene de re christiana, et civili ea merita sit, illustres testantur viri , quos edidit, quique vitae sanctitate, honoribus, muneribus, scientiis, litteris, rebus gestis inclaruere. Ad eius laudem accedunt qui ad tentandas naturae vires, et ad coeli praesertim dimetiendas leges, aut ad as t rorum sese revolventium orbes describendus, in suisque conversionibus consectandos ingenium appulere. Erat quippe eis persuasum nil magis in hac spectabili rerum universitate Dei gloriam enarrare quam coelos, ex eisque praesertim Creatorem omnium cognoscibiliter videri.

Aliud quoque opus egregium aeque ac utile, molitus est B. Antonius, videlicet, Virginum collegium quibus Angelicarum S. Pauli nomen fecit, quaeque de puellarum institutione solli- citae essent, simulque operam darent revocandas ad pristinam regulae austeritatem nonnullis in Insubria feminarum coetibus; quod optime cessit. suprema B. Antonio Mariae dies, adest: morbi abstrusa in praecordiis semina laboribus et contemptu inoleveront: vires collapsae. Erecto tamen animo, nihil de religionis provehendae curis remittit, eoque studiosius coelestia contuetur, quo propius. Ereptus est medio in spatio integrae aetatis, cum scilicet annum ageret xxxvi ; at quantum ad virtutem et rei Christianae bonum, longum aevum peregit.

Haec summatim sunt pietatis monumenta quae B. Antonius Maria posteritati reliquit : non omnis proinde a nobis abiit, cum terram coelo mutavit. Nihilominus inscrutabili Dei iudicio factum est, ut coelites honores serius illi decernerentur, licet illustrandae