EX S. G. RITUUM 507

eius virtuti signa, et miracula non defuerint. Tandem Sanctissi- mus Pontifex Leo XIII votis annuens Sodalium a Sancto Paulo, reque omni a S. R. Congregatione cognita et mature perpensa, die I I I Ianuarii, anno M D C C C X C solemne edidit decretum redinte- grationis cultus, quo eorum Parentem titulo et veneratione Beati honestandum indulsit. Mox adhuc illis instantibus ut fastigium honoribus imponeretur, atque in Sanctorum album B. Antonii nomen accenseretur, praesertim quod trina vulga- rentur miracula eius intercessione patrata; sedis apostolicae venia, accurata inquisitio in illa facta est, processualesque tabulae a S. R. Congregatione et recognita, et probata sunt.

Pr imum ordine propositionis contigit anno M D C C C L X X V I in Archidioecesi Bononiensi. Vincentius Zanotti agricola, foedo ulcere laborabat : remedia sunt nulla adhibita, aut incassum : doloribus cum excruciaretur, saepe in lecto fuit illi decumben- dum : nulla medicorum iudicio revalescendi spes. Casu accidit, ut in eius manus venirent B. Antonii imago, reliquiae, et vitae historia. Hanc cum legisset in spem ingreditur recuperandae valetudinis. Quare ad B. Antonium confugit, eumque ut sibi demereat preces novendiales init, hisque absolutis, triduanas. Postremo die vulnus deobligat, vixque suis oculis fidem adhi- bens, ita evanuisse comperit, ut nedum libere digredi, sed ad agrorum labores redire potuerit.

Alterum miraculum accidit Cremonae, anno M D C C C L X X I I I . Paula Aloni quae optima valetudine ante utebatur, cum xv aetatis annum ageret, nervoso rheumate torqueri, contractioni- bus, cruciatibus, deliramentis. Unde haec prodirent brevi patuit: tumor enim pessimae indolis in gutture delitescens, erupit. Hunc excepit incurabilis affectio organica nervei centri spinalis, qua septem annos decumbere Paula coacta est. Ubi nulla superfuit recuperandae valetudinis spes, B. Antonii opem rogat, qui illico adest. Licet enim sensibus desti tuentur, extremusque traueret anhelitus, ita ut mortua censeri posset, repente convaluit.

Tertium miraculum Cremonae etiam evenit. Paulae frater cui nomen Franciscus vel ab incunabulis herpete laborabat: crescente aetate, cerebri inflammationibus saepe tentatur, ita ut mentis acies retusa videretur. Grandior factus, cum, malo fato, in crus concidisset, tumore affectus est qui locum cessit osteo- periostiti chronicae ? et insanabili. Moerore confectus sororem adit, quae bono animo esse illum iubet: ubi hominum remedia deficiunt, superesse coelestia: praesentem B. Antonii opem sese expertam fuisse: ad eum proinde conficiendum, in eoque sperandum. Nec mora : reliquias Beati cruri infirmo admovet; preces novendiales auspicantur. Antequam hae ad exitum per- ducerentur, Franciscus plene est ab infirmitate recreatus.

De quibus miraculis rite instituta est actio; pr imum in antepraeparatorio conventu sexto decimo calendas Ianuarias anno M D C C C X C V indicto penes Rmum Cardinalem Lucidum Ma-