TRIDENTINA 507

tamen muletas unquam persolvere debuerit ». Capitulum vero videtur, ipsam amissionem distributionum non urgere, dum ait: « Membrum autem quodcumque quod illegitime absens est non amittit distributiones, sed muleta affici- tur, quia tales sunt, ut earum amissio esset ridicula ». Sed assertioni Capituli contradicunt statuta: « Si enim re- muneratio assignata fuerit qui hac fruetur, iure distribu- tiones lucrandi carebit ». Sane neminem latet, Concil. Trid. Sess. 21, cap. 3, et Sess. 22, cap. 3, expresse prohibuisse, quominus illegitime absentes distributiones quotidianas lu- crentur.

Quoad onus Missarum diebus festis a canonicis celebran- darum Capitulum non contradicit dispensationi, sed hanc concedere sibi vindicare videtur, pro re nata, advertens : « Haec Missarum distributio sacrarii Directori ita erit de- mandata ut necessaria sit semper approbatio Praepositi cuius prudentiae committitur, ut eos ab hoc onere ad tem- pus solvat quos aut aegra valetudo aut ALIA LEGITIMA CAUSA EXIMENDOS SUADEBIT ».

Quibus animadversis, quaesitum fuit quomodo preces es- sent dimittendae.

RESOLUTIO. Sacra Concilii Congregatio, re disceptata sub die 26 Ianuarii 1901, censuit respondere:

Pro gratia dispensationis iuxta petita ad quinquennium, si tandiu perdurent hodierna adiuncta, arbitrio et conscien- tia Episcopi.

M E C H L I N I E N S I

IRREGULARITATIS

Die 15 Decembris 1900. P e r summar ia precum.

COMPENDIUM FACTI. Emus Archiepiscopus Mechlinien, die 3 sept. 1900 has litteras dabat Sacratissimo Principi : « Ar- thur Bamps , aetatis 22 annorum, Dioecesis Mechliniensis subditus, expletis iam humanarum litterarum et philosophiae