S08 BOSANEN.

QUAE FAVENT DISPENSATIONI. Verum ex altera parte con- siderari oportet, ex contubernio quod Carboni civiliter con- traxit cum Iosepha Mastinu, prohiberi sub gravi poena quominus eam derelinquat, et ad eamdem, per iniuriam qui- dem, sed vere tamen cogi. Mitto autem loqui de minis Io- sephae Mastinu quae viri occisionem promisit, si derelin- quatur : quandoquidem et alias non minores minas contra eumdem magnificavit, si coram Ecclesia aemulam ipse du- ceret. Quomodocumque sit, hoc certum videtur, natam esse viro quamdam impossibilitatem redeundi ad priorem mulie- rem ; et, ut notum est, impossibilium nulla est obligatio; Celsus I. 8 Dig.

Utique posset denegari dispensatio, imo cogi etiam vi- rum ad ducendam sponsam suam sub censurarum commina- tione. Attamen ..censurae difficiles exitus in hisce rebus so- lent habere, ut cum Sánchez aliisque DD, recolitur in Pi- storien, super dispensatione sponsalium acta die 7 Iu- nii 1856 per sum. prec.; itemque negare dispensationem nil forsan aliud importabit, quam statum peccati in ora- tore protrahere ac firmare. Quod vero dispensatio viam faciliorem sternat ad similes desertiones, hoc quidem ve- rum esse potest ; sed tamen hoc malum non erit expers bono : quandoquidem sponsae prudentiores fient in posterum, no, ut monet Ordinarius, illicitos ante nuptias audeant fovere amores.

Quibus animadversis quaesitum est quid hac in re esset decernendum.

RESOLUTIO. Sacra C. Concilii, re cognita, sub die 12 De- cembris 1885 censuit respondere : Praevia compensatione ex parte oratoris, ab Episcopo determinanda, tum pro damno illato, tum pro educatione prolis, pro gratia ab- solutionis et dispensationis ab initis sponsalibus, facto verbo cum SSmo.