EX S. C. RITUUM 309

TULLEN, seu SANCTI DEODATI. Canonizat ionis B. Petr i Four ier de Mataincouria . S a -

cerdo t i s Lothar ingi , Praepos i t i Generalis e t Reformator is Congr. S a l v a t o r i s

nost r i nuncupatae ordinis Canonicorum Regularium S. August ini , nec non in s t i -

t u to r i s monialium Congr. sub t i tu lo Dominae nos t rae , et regula eiusdem S. Au-

gus t in i .

SUPER DUBIO

An, stante approbatione duorum miraculorum, T U T O procedi possit ad solemnem eiusdem Beati Canonizationem i

Eorum qui vel fuso sanguine Christum asseruerunt, vel praeclaris editis virtutum speciminibus in exemplum eluxere, memoriam posteris propagare, coelitumque honoribus augere Ecclesia in more habet. In horum censu, iure adscribendus est B. Petrus Fourier, Mataincouriae non ignobili Lotharingiae pago natus anno M D L X V . Eos nactus est parentes qui voce et exemplo ad honestatem, probosque mores, mentem animumque eius effingerent. Litteras magna animi contentione arripuit, nec eam in scientiis excolendis remisit. Sed virtutem doctrina potio- rem duxit, quam ut impensius colerei, nomen dedit sodalitio canonicorum qui S. Augustini regulam sequuntur. Studiorum orbe exacto, in sacram Christi Domini militiam cooptatus est, amplissimo virtutis et doctrinae testimonio honestatus. Curio renuntiatus pagi in quo lucem hauserat, nec solertiam, nec fi- dem desiderari passus est. Nullum animis iuvandis tempus illi intercidit, nullum periit. Piacula confitentibus aures praebere, aegrotantes solari, animam agentibus praesto esse, pauperum inopiae occurrere, consulta petentes comiter excipere ne lites intenderent, in deliciis habuit. Mirum inde non est si ab Epi- scopo Tullensi missus pluries sit ad paroecias suae Dioecesis lustrandas, atque a Cardinali Legato sacris illis expeditionibus per universam Lotharingiam praepositus, quae ad provehenda animorum lucra ineuntur. Quo autem exitu, innumera testan- tur odia posita, iurgiorum semina extincta, scelerum coitiones dissutae, e mentibus male obsidentes umbrae errorum depulsae, religio in novam veluti lucem emersa.

Per id tempus Ordo Canonicorum regularium a primaeva austeritate desciverat, quam ut B. Petrus restitueret omnes industriae ñervos intendit. Qui vero apud se reputabat exempla magis trahere, quam verba non moveant, ceteris praeire exem- plo studuit. Summa proinde in eo humilitas, summa castitas, summa prudentia, summa praesertim austeritas, quae eousque processit ut corpus flagellis, et zona ferréis rigente cuspidibus frangerei Petri solertiae ac labori plene aspira vit eventus ; etenim ad pristinam disciplinam revocatus Ordo, ipseque alter parens , novusque, quod addiderit leges, habitus sui Ordinis Reformator. Aliud quoque opus non minus utile molitus est, nempe Virginum Collegium, quibus a Domina Nostra nomen