EX S. C. RITUUM 511

editus fuerat, absumptus est Antonius Maria Zacearía sodalitatis Clericorum Regularium a S. Paulo conditor et parens, ineunte mense iulio, anno M D X X X I X .

Virtute aetatem praevertens, voluptates ceu peccandi ille- cebras est aspernatus, corpusque ne se licentius efferret flagris, ieiuniis, vigiliis contudit. Sacris admotus, reique divinae opera- tus, magis magisque conniti, ut Dei gloria, atque animorum salus in maius proveheretur; dignus proinde, qui a S. Pio V summis laudibus honestaretur.

Mirum inde non est, si Antonio Mariae Zaccaria antequam ab Ecclesia decernerentur, delati a populo fuerint coelitum honores. Quod si ab his postea cessatura est, tribui unice debet generalibus Urbani VIII decretis anno M D C X X X I V latis, quae etsi ad B. Antonium trahi iure non possent, quod extrema deessent in illis decretis posita, tamen Sodales Barnabitae maluerunt Sedis sanctionibus obsequi, quam filiali erga Parentem suum pietati indulgere. Sedis autem Apostolicae venia, actio de cultus redintegratione recens inducta est, ac in Ordinariis Sacrorum Rituum Congregationis comitiis, proposito bis dubio: « An sit locus redintegrationis cultus praedicti V. Seroi Dei in casu, et ad effectum de quo agitur? » pr imum « dilata »; deinde hoc fuit rescripto dimissum « Attentis peculiaribus causae adiunctis, supplicandum Sanctissimo pro redintegratione cultus, olim V. Servo Dei praestiti ».

Felici hoc exitu animum sumentes Sodales Barnabitae, iterum instare ut legifero Parenti suo, Sanctorum honores de- cernerentur. Eorum preces non modo favorabiliter ab H. S. O. exceptae, et a Summo Pontifice et ratae habitae, et probatae; sed etiam indultum ut tria miracula quae Beatificationi perfi- ciendae fuissent necessaria, Canonizationi inservire possent. Quae, examini subiecta, de iisque plene constare SSmus Do- minus Noster, decreto edito, postridie idus Februarii labentis anni, solemniter edixit. A quarto miraculo quod in casu afferri debuisset dispensatio indulta, cum de Conditore ageretur reli- giosi Ordinis a Sede Apostolica probati.

Post haec, unum supererai : an, scilicet, stante approbatione trium miraculorum, et dispensatione a. quarto, T U T O procedi possit ad solemnem eiusdem Beati Canonizationem? De quo actum est , in plenariis comitiis die xxm superioris mensis coram SSmo D. N. habitis: dubioque proposito a Rmo Cardinali Lucido Maria Parocchi Episcopo Portuensi et S. Rufinae, Vicaria Potestate in Urbe Antistite, causaeque Relatore; Rmi Cardinales, et Patres Consultores affirmativum suffragium tulere. Cum autem de re ageretur maximi momenti, Beatissimus Pater sibi a iudicio ferendo supersedendum iudicavit, ut tempus esset Deo exorando.

Hodierna autem die. Dominica prima in Quadragesima sacris devotissime operatis, ad se advocari iussit Rmos Cardi-