512 EX S. C. NEG. ECCL. EXTRAORD. PRAEPOSITA

supra, non absorbet neque supprimit, sed potius supponit, imo praerequirit concessionem ac vigorem eorumdem indultorum, ac proinde observantiam conditionum iisdem indultis adnexa- rum. Idcirco publicatio annua indultorum, hucusque, iuxta clau- sulas eorumdem, fieri solita, nullatenus omitti debet. Ad omnem vero confusionem evitandam, indultum diei 6 Iulii 1899 non promulgetur in corpore annui edicti de ieiunio et abstinentia, sed in fine tamquam appendix ad idem edictum sub titulo : « Ampliatio praecedentium indultorum pro singulis fidelibus seu familiis, qui illam petierint ».

V. Quamvis Ordinarii in concedendo indulto diei 6 Iulii 1899 nullam taxam seu eleemosynam nullumque onus fidelibus im- ponere possint, et subdelegati nihil petere aut acceptare possint occasione dispensationum ab ipsis vi eiusdem indulti imperti- tarum; in ecclesiasticis tamen Provinciis ubi in promulgatione et usu indultorum nulla eleemosyna imponi cansuevit, licitum erit Ordinariis, si id expedire iudicaverint, in corpore consueti edicti fideles hortari (excluso expressis verbis quolibet prae- cepto) ut sumptibus cultus divini et christianae beneficentiae pecuniariis eleemosynis concurrere pro viribus non omittant: ad quod in singulis ecclesiis parochialibus haberi poterit specialis capsa cum inscriptione: « Eleemosynae voluntariae indulti qua- dragesimalis », vel statis diebus publica collectio in ecclesiis fieri.

VI . Diebus ieiunii, per indultum diei 6 Iulii 1899, quoad fi- deles vel familias qui illud petierint, dispensatis, non licet car- nes cum piscibus permiscere. Et facultatem dispensandi a lege promiscuitatis, diebus, quoad ieiunium et abstinentiam, dispen- satis, non expedire.

VI I . Religiosi utriusque sexus, speciali voto non obstricti, quamvis sint ex Ordine Minorum, de consensu suorum Supe- riorum ecclesiasticorum, uti possunt indulto diei 6 Iulii 1899 etiam quoad abstinentias et ieiunia in propria regula sive sta- tutis praescripta. Hortandi tamen sunt Superiores Regulares , praesertim Provinciales et quasi Provinciales, ut pro viribus abstinere curent ab usu eiusdem indulti intra claustra : subditi vero stent iudicio suorum Superiorum.

Insuper S S m u s Dominus benigne ad Americam Latinam extendere dignatus est privilegium Hispaniae a Pio IX fel. rec . concessum sub die 9 Novembris 1870, cuius virtute, quando festum Immaculatae Conceptionis B. M. V. inciderit in diem ie- iunium transferri possit ad feriam V praecedentem.

Et super his omnibus Sanctissimus Dominus Noster LEO Divina Providentia Papa X I I I praesens decretum edi mandavit et in acta Sacrae huius Congregationis referri. Contrariis non obstantibus quibuscumque.

Datum Romae, e Secretaria eiusdem S. C, die, mense et anno praedictis.

FELIX CAVAGNIS, Secretarius.