514 EX ACTIS CONSISTORIALIBUS

adoriri instituta christiana pugnacissime: eiusque rei caussa in- testinum inter eos foedus ictum putares. Argumento plura sunt, quae fieri passim compertum est: nimirum concitata multitudo, violenti clamores laetaeque in publico minae, Stimulantia cupi- ditates populares scripta, immissae palam in res personasque verendas iniuriae. Taetrae istae sunt significationes rerum fu- turarum, nec abest a vero, calamitosis temporibus calamito- siora successura. Ecclesia quidem, quoscumque labores dimi- cationesque afferat dies, freta Deo, nec quicquam sibi metuens, excipiet ac subibit. Metuendum imperiis quae, quo progredian- tur, non vident: ipsique hominum civili coniunctioni pertime- scendum, quam scilicet in discrimina tanto maiora incidere ne- cesse est, quanto longius a Iesu Christo liberatore successerit. Respiciat, quaesumus, civitates stator ac parens ipsarum Deus, effìciatque, affuso lumine consilii sui, ut mature sapiant cur susque iterare properent male relictos.

Splendidissimum Ordinem vestrum, venerabiles fratres, ut res postulat, suppleturi, eximios viros designavimus duodecim, quos romanae honore purpurae hodierno die afficeremus. Non eodem in genere illorum elaboravit industria: at virtutem vel animi vel ingenii in suo quisque munere ita singuli exercuere, ut integritate, prudentia, sedulitate officii, de Ecclesia, de apo- stolica Sede egregie meruerint.

Ii vero sunt: Alexander Sanminiatelli Zabarella, Patriarcha Constantino-

politanus. Franciscus Della Volpe, Pontificiae Domus Nostrae Prae-

positus. Quos in Concistorio habito die decimo nono mensis Iunii

anno millesimo octingentesimo nonagésimo nono S. R. E. Car- dinales, priorem ex ordine Presbyterorum, alterum ex ordine Diaconorum creavimus, et in pectore reservavimus, atque ho- die publicamus:

Donatus Maria Dell'Olio, Archiepiscopus Beneventanus, Sebastianus Martinelli, Sodalis Augustinianus, Archiepisco-

pus tit. Ephesinus, Delegatus Apostolicus in foederatis Ameri- cae civitatibus,

Casimirus Gennari, Archiepiscopus tit. Naupactensis S. R. et U. Inquisitionis Assessor,

Leo De Skrbenski , Archiepiscopus Pragensis,