522 V A R S A V I E N . SEU PARISIEN.

usque ad Novembrem 1874 non Parisiis, sed in sua patria idest Varsaviae, aut in pago vulgo « Somianka » nuncupato continenter commoratus fuerit, adstruit Procurator authen- tico testimonio Praefecti Quaesturae Varsaviensis.

Quin imo id probat ex testimonio ipsius Curiae archie- piscopalis varsaviensis, quae ita scripsit : « quum auctor ali- « quot mensibus ante nuptias demoratus sit in bonis patris « in districtu Pultoviensi ».

Item quod sponsa eiusque mater ante diem 10 Decem- bris 1874 non commoratae sint Parisiis in paroecia S. Sul- pitii, in qua celebratum est matrimonium, sed Dresdae aut alibi, comprobaret Orator tum ex testimonio Moderatoris Politiae Dresdensis, tum ex scripto testimonio sanctimo- nialis feminae Mariae Gonzague Homell Praefectae Instituto « du Neuilly (Seine) » in quo per aliquot menses recepta fuit sponsa, tum denique, aliis missis, ex non paucis ipsa rum epistolis per id temporis e variis locis, uti ex impresso desuper tabellara signo patet, ad oratorem in Polonia de- gentem missis.

Animus vero non commorandi Parisiis per notabilem, nedum maiorem, anni partem, sed statim exinde discedendi ubi primum expleta fuisset matrimonii caeremonia et, post nuptiale iter, sese conferendi in civitatem Halle, iuxta pa- tronum evincitur ex epistola sponso data ab ipsa sponsa tempore non suspecto, idest die 11 Iunii 1871. Scilicet in praefata epistola sponsa studet sponso suadere ut impositam ipsi a patre conditionem agriculturae studium, post matri- monium, aggrediendi in Athenaeo Hallensi minus aegre ac- ceptet.

Quia difficultatem ingerere posset quod ait adversa mu- lier nempe « nous sommes revenus à Paris paullo ante ce- lebrationem matrimonii, et nous avons été domiciliés à l'hôtel de l'Empereur Joseph II, rue de Tournon dans l'in- tention d'y acquérir droit de paroisse » et « nous comptions demeurer à Paris le temps nécessaire pour obtenir droit de paroisse » ; innuit Patronus, ex contextu tum primi tum