522 EX S. G. CONCILII

contrahentes partes iam pridem dereliquerunt. Etenim nisi agatur de vagis, is tantum parochus dicitur proprius, in cuius parochia quis verum domicilium vel quasi-domicilium habet; parochus vero proprius vagi est is, in cuius paro- chia actu commoratur aut matrimonium contrahit. Inde con- sequitur ex iure Tridentino pro non vagis proclamationes faciendas esse a parocho domicilii vel quasi-domicilii con- trahentium, pro vagis autem a parocho loci, in quo actu commorantur aut matrimonium contrahunt salvis statutis vel mandatis specialibus, quibus Episcopi in concedenda li- centia ad tramites decreti Concilii Trid. Sess. XXIV. c. 7. de reform, matr. pro celebratione matrimonii vagorum ri- gorem iuris communis augendum esse duxerint aliasque exigant proclamationes. Cfr. Gasparri, De matrim, n. 162.

6. Ex generali norma in Concilio Tridentino statuta iam per consequentiam logicam a viris doctis, per praxim nunc communiter receptam et ante Concilium Tridentinum statutis et consuetudinibus particularibus praeformatam, de- nique per declarationes S. C. C. particulares deductae sunt conclusiones iuris ad solvendos casus practicos.

I. Itaque si utraque pars contrahens in una tantum parochia habeat (et habuerit) verum domicilium vel quasi domicilium, in sola illa parochia proclamationes matrimo- niales sunt faciendae. Cfr. quoque Instr. S. C. Inq. ad Oriental. 29 Aug. 1890: « Publicationes faciendae sunt in loco domicilii vel quasi domicilii ».

II. Quodsi ante nuptias una pars contrahens in una pa- rochia habeat verum domicilium vel quasi domicilium, al- tera pars in alia parochia idem verum domicilium vel quasi domicilium obtineat, in utraque parochia proclamationes fieri debent. Id enim manifeste sequitur ex verbis Conc. Trid. de « proprio contrahentium parocho », qui in hypothesi facta est duplex, cum unaquaeque pars distinctum habeat paro- chum proprium. Neque proclamationes factae in una paro- chia sufficiunt, sicuti sufficit celebratio matrimonii in casu coram uno ex duobus parochis propriis. Nam satis obvia