COLONIEN. 525

est disparitas ob finem legis, quae statuta est ad detegenda impedimenta matrimonii; at impedimenta viri non sunt nota in parochia mulieris, atque idem obtinet de impedi- mentis mulieris in parochia viri; ergo in utraque parochia banna sunt proclamanda. Cfr. Sánchez 1. c. n. 4. Qui sen- sus Concilii Tridentini confirmatur etiam praxi communiter recepta atque adeo iam ante Concilium Tridentinum vi- gente, ubi decretum Lateranense accurate fuit servatum. Cfr. v. g. c. 95. sq. 99. Synod. Trevir. (a. 1300) ; Schulte, Ius matrim, p. 41. not., ubi alia exempla refert; Instr. Card. Rauscher §§ 60. 61. Denique Rituale Romanum di- sertis verbis praescribit: « Si vir et mulier parochiae sint diversae, in utraque parochia fiant denuntiationes » (1).

III. Si unas ex sponsis vel uterque complura habeat domicilia v. g. unum vel duplex domicilium verum et prae- terea quasidomicilium, in rigore iuris in omnibus illis pa- rochiis proclamationes sunt praescriptae. Nam verba Con- cilii Tridentini et Instr. S. C. Inquis. 29 Aug. 1890 per- fecte verificantur, omnesque isti parochi sunt proprii, atque etiam finis Tridentini decreti idem suadet, quoniam huius- modi nupturientes, tum in vero suo domicilio v. g. aestivo vel vernali aut in extraordinario quodam quasidomicilio so- leant habere multiplices occasiones contrahendi impedimenta.

IV. Si pars quaedam verum domicilium vel quasi do- micilium alicubi contractum dereliquit, parochus loci dere- licti etiam originis non amplius parochus proprius nuptu- rientis existit, ideoque ex stricto iure Tridentino ibidem proclamationes fieri non debent, dummodo serventur alia de iure praescripta v. g. de statu libero probando. Quae interpretatio textus Tridentini confirmatur triplici responso conformi S. C. C. Etenim in antiquo lib. 2. Decret. (S. C. C.)

(1) Si Reiffenstuel 1. IV. t. 3. n. 9. cum Laymann, Palao, Pirhing docet etiam in isto casu per consuetudinem effici posse, ut publicatio bannorum in illa tantum

parochia fiat, in qua nuptiae celebrantur, huiusmodi consuetudo ab illis auctoribus

quoad factum non est probata nec in se rationabilis et legitima dici potest; hinc

optimo iure recentiores scriptores talem clausulam limitanlem omittere vel etiam

expresse reiicere solent.