524 VARSAVIEN. SEU PARISIEN.

prieque dictum domicilium habent : quam iuris disciplinam authentice tradidit ipsa Suprema Congregatio S. R. et U. I. in citata Instructione fer. IV diei 7 Iunii 1868 hisce verbis ; « manifestum quoque est actualem habitationem ineptam esse ad quasi-domicilium pariendum, si quis in ea regione more vagi ac itinerantis commoretur, non autem vere proprieque habitantis, quemadmodum scilicet ceteri solent qui in eodem loco verum proprieque dictum domicilium habent ».

Nullam vero, in casu, delegationem locum habuisse pro- bat Orator ex testimonio Sac. Panis, qui ita testatus est : « je n'ai entendu parler d'aucune permission, d'aucune dé- « légation de Varsovie, ni d'ailleurs ». Citat etiam Varsa- viense Tribunal, quod postquam dixit hac de re actum iam fuisse etiam cum Episcopo Dioec. Plocen., in qua est locus « Somianka », solemniter declaravit : « diligenter perlustratis tabulis archivialibus... nullum repertum esse actum delega- tionis sive ab Ordinariatu, sive a proprio sponsorum Paro- cho extraditae ». Tum ipse Archiepiscopus Varsaviensis in litteris ad Ordinarium Parisiensem datis die 17 Iulii 1893 haec scripsit : « in primis stat factum delegationem spe- cialem atque expressam a Curia Varsaviensi extraditam non fuisse ».

Nec iuxta patronum, contra haec valent adversariae verba : « mons. Jean a obtenu l'autorisation de son Curé, soit de Varsovie, soit de Somianka » ; eo vel magis quod ipsamet ad instantiam eximii Defensoris matrimonii apud S. C. C. super iisdem verbis pressius interrogata fateri de- buit : « peut être ai je confondu la publication des bans avec une autorisation toute speciale.... je ne puis pas affir- mer ou rappeler soit qu'elle (l'autorisation de son Curé) existait ou non ».

Demum contendit Advocatus, profecto sustineri non posse matrimonium iure vagorum. Putat enim aperte constare, non fuisse vagum oratorem, post ea quae superius sunt ex- posita et quae passim in summario prostant. Eadem ratione opinatur, supervacaneum esse probare non fuisse vagam