526 VARSAVIEN. SEU PARISIEN.

moral, tom. 2 haec consignât : « Vagum definit Benedi- ctus XIV (Instr. 33 num. 10) qui relicto suo domicilio se- dem in exteris terris inquirit ; quod intelligendum est, tum si destinavit ubi pedem collocaturus sit, tum si nondum destinavit ; ad hoc enim in utroque casu aeque domicilio caret. Adde necessarium non esse, ut sedem inquirat ; aeque enim, imo a fortiori vagus dicetur, quin nullibi certam et constantem sedem habet aut vult habere. Insuper, quoad rem praesentem, ut vagus qui dicatur relate ad parochiam, nec opus quidem est, ut domicilium in remota seu extera aliqua regione quaerat ; sed generatim satis est, quod priori parochia relicta nondum in aliam sedem defixerit, quia tunc revera sine parochia est, quippe qui priorem amisit, et aliam nondum acquisivit. Idcirco Io qui relicta parochia nondum domum invenit in qua habitet, et interim aliquo in loco hospitatur, iste est vagus ; 2° etiamsi domum invenerit, in qua habitaturus erit, alibi tamen hospitatur, dum inventa domus antiquo expeditur habitatore, pariter quoad parochiam vagus est ; 3° sic etiam si in urbem advenerit, et nondum statuerit, qua in parte habitet, inter vagos seu parochia carentes recensetur ».

Hisce prae oculis habitis iuris principiis, opinatur Vin- culi adsertor, demonstratum a Ioanne haud esse parochum proprium tum sibi tum Mariae in Polonia fuisse tempore initi matrimonii. Quod attinet ad Ioannem, recolit, eum die 13 maii. 1851 natum, aquis baptismatis die 22 maii praedicti Varsaviae lustratum esse in parochia Sanctae Ma- riae Virginis. At iuxta Patronum in probatis est a die 13 iunii 1852 Ioannis patri et idcirco ipsimet Ioanni domi- cilium habitationis non in varsaviensi sanctae Mariae Vir- ginis parochia, neque in varsaviensi dioecesi sed in loco « Somianka » fuisse. Iam vero regio « Somianka » nil com- mune habet cum varsaviensi parochiali ecclesia Mariae Vir- gini sacra, neque cum Varsaviae dioecesi, quia locus vulgo « Somianka » situs est intra fines dioeceseos Plocensis.

Demum narrat Orator, certum esse Ioannem scilicet una