COLONIEN. 527

ceptum, intelliguntur « sacerdotes proprii » sive curati, et consequenter sermo est de ecclesiis illorum presbyterorum i. e. parochialibus, non aliorum clericorum. Item textus Tridentinus intelligi debet de ecclesia illius, cui competit proclamatio bannorum. Quod ius est penes parochum pro- prium ; ergo ecclesia sine addito est accipienda de ecclesia parochiali. Quoniam autem attendendus est finis legis, qua intenditur cognitio impedimentorum, et praeterea ratio ha- beatur verborum « inter Missarum solemnia », ad quae po- pulus, qui de matrimonio contrahendo informandus est, cen- setur confluere, certe non est haerendum in cortice verbo- rum et in materialis ecclesiae significatione. Hinc si Mis- sarum solemnia, ad quae universus populus confluere soleat, ob festum quoddam extraordinarium celebrarentur extra ec- clesiam parochialem in alia quadam ecclesia loci, certe in illa, non in derelicta ecclesia parochiali possunt et debent proclamationes matrimoniales publicari. Quae theologi et canonistae praeterea disputant de vesperis et diebus festis abrogatis vel ferialibus, non spectant ad rem, cum hac in re inter ecclesiam matricem et ecclesiam filialem sive quasi parochialem nulla existeret differentia.

8. Ex hactenus deductis de textu Tridentino duae gra- vissimae conclusiones videntur esse eruendae : I. Nullibi in iure communi praescriptum est, ut de iisdem sponsis in ea- dem parochia domicilium habentibus bis eodem die festo vel dominico in diversis ecclesiis eiusdem parochiae fiant pro- clamationes matrimoniales ; nam Concilium Tridentinum lo- quitur de ecclesia, non de ecclesiis, imo verbis « in eccle- sia » ne expresse quidem addit, « parochiali ». Porro omnes scriptores, qui tenent in casu extraordinario, quo Missarum solemnia celebrentur in alia ecclesia eiusdem parochiae cum universali concursu populi, nequaquam urgent secundam quandam proclamationem eadem die in ecclesia parochiali faciendam, etsi forte ibidem coram sacri stano et nonnullis vetulis alia quaedam Missa celebraretur. Optimo enim con- silio provocant ad regulam iuris 88. in Sexto : « Certum