COLONIEN. 529

Acta, Tom, XXXIII. fase. CCCXCIII. 34

omnino absonus proclamandi banna in ecclesia stipata fide- libus, qui omnes laborant perfecta ignorantia personarum, quarum nomine ex pulpito fuerunt lecta. Quae lectio in ecclesia ista plena habet eundem effectum atque in eccle- sia plane vacua. Inde consequitur hac in re principaliter attendendam esse ecclesiam, ad quam fideles parochiani rei gnari ad Missarum solemnia confluunt ; secus quis haeret in cortice verborum et agit contra legislatoris intentionem et voluntatem.

9. Quibus praemissis iam via videtur esse aperta ad solvendum dubium ab Archiepiscopo Coloniensi propositum.

Imprimis abstinendum videtur a proclamando generali principio banna matrimonialia in sola ecclesia filiali publi- cata omnino sufficere, nec requiri etiam in ecclesia matrice. Nemo enim huiusmodi generalem declarationem postulavit, neque ulla potest assignari ratio, ob quam generalis quae- dam responsio sit necessaria. Porro laudabilis et legitima praxis hac in re pendet a non paucis circumstantiis parti- cularibus, unde quis perveniat ad conclusionem v. g. in hac regione omnibus attentis per se sufficere proclamationes in sola ecclesia matrice, atque in ecclesia filiali fieri tantum ob laudabilem praxim maioris securitatis causa, at vicissim publicationes in sola ecclesia filiali non esse satis conformes iuri Tridentino, cum forte una pars contrahens ibidem non satis sit nota, vel forte utraque pars extra districtum ec- clesiae filialis in reliquo territorio parochiae forte valde li- mitato frequenter conversata sit. Insuper ex dioecesibus Germaniae et Austriae supra allegatis nullae hucusque al- latae sunt querelae de duplici proclamatione in ecclesia ma- trice et filiali; ergo in illa praxi ordinationibus Episcopo- rum introducta per generalem quandam declarationem non videntur esse perturbandae. Quae perturbatio disciplinae praesertim in Austria est vitanda, cum ibidem in negotio proclamationum matrimonialium etiam gubernium civile suis decretis interveniat. Cfr. Aichner 1. c. p. 573, 578.

10. Quodsi iam casus Colonienses examinandi sint, îa-