830 MASSILIEN.

sane et perdifficile, Servi Dei industriae et laboribus committi- tur, quum ex superioris mandato Divionem petiit Oratorii do- mum conditurus. Huic muneri explendo dum ille incubuit ar- denter, tot et tam graves in ipsum difficultates et obstacula excitata sunt, ut in eo esset ut ab incoepto desisterei, sed eius constantia animique fortitudo tandem evicit; nam plurimis ad Deum precibus effusis eorum etiam voluntatem sibi conciliavit qui maximopere eius facinori adversabantur. Memoriae itaque traditum est, ea in civitate eximiam eius charitatem ceterasque virtutes mirum in modum enituisse. Scilicet de rebus divinis ad populum sermonem habere, confessionis et eucharistiae sa- cramenta administrare, aegrotos invisere omnique ratione iis opitulari, carceribus inclusos solari ac ad patientiam fidemque adhortari quotidianum eius vitae exercitium fuit. Sed enim dum heic vehementer insudat ac adlaborat cum ingenti animorum utilitate, triste ad eum nuncium pervenit, eius matrem lethali morbo Turonibus affectam in vitae exitu reperiri. Confestim ad ipsam advolat Ioannes, sed quum sensibus omnibus destitutam invenisset, consolationem solummodo habuit extremis religionis subsidiis ei opitulandi ad mortem rite obeundam.

Quum insuper in Caenomani civitate Oratorii domus esset instituta, Dei Famulus eius Praeses declaratur, qui ut in urbem pervenit, ingenti omnium plausu et laetitia exceptus est ob san- ctitatis famam, quam inibi de se iam antehac reliquerat. Interea temporis quoniam Flandriae Episcopi exoptabant in suis etiam regionibus Oratorii Congregationem propagari, Cardinalem de Beruhe enixe rogarunt, ut ibi Oratorii domum conderet. Eorum votis hic libenter annuens, quum Servi Dei prudentiam ac in rebus gerendis dexteritatem alias fuisset expertus, ad hoc mu- nus explendum eum accommodatissimum iudicavit et elegit. Inter varias difficultates opere ad exitum perducto, latissimus patientiae exercendae campus Dei Famulo patuit. Quum enim ex hac missione haud exiguos evangelicae messis fructus col- legerit, aegre id tulit humani generis inimicus, atque igitur plures in eum persecutiones excitavit, donec semel haeretici odio perciti tam fortibus baculi ictibus eum percutierunt, ut prope semianimem numi reliquerint.

Armis insuper subacta Rochelle civitate a Ludovico XIII Galliarum Rege, Catholicae religionis principia iis in urbibus restituenda erant quae pravis haereticorum opinionibus imbutae