550 VARSAVIEN. SEU PARISIEN.

domicilii necessitas ingesta fuit. Itaque non dubitat Matri- monii Vindex, quin Mariae mater, quae christianis moribus praestabat cum ab ecclesiasticis viris audisset ad valorem matrimonii requiri incolatum complurium mensium, animo minime intenderit per totum illud tempus in parochia illa manere. Quare percontata a iudice : « Combien de temps comptiez vous demeurer à Paris ? » nitide Maria reponit : « Nous comptions demeurer à Paris le temps nécessaire pour obtenir droit de paroisse ». Huc accedit, pergit Orator, quod anxii religione animi aculeus pupugit sacerdotem Iosephum Panis, qui missam nuptialem celebrare debebat. Proinde ille conceptis verbis pridie celebrationis matrimonii quaestionem incolatus dirimendam proposuit. Quod dubium propositum Vi- cario Mr. de Montelar, sufficiens videtur Oratori ne cogitari quidem post, eum nec antea nec postea quam a sacerdote Pa- nis in suspicionem adductus est de incolatu, an alteruter nu- pturientium conditionibus ad quasi-domicilium constituendum necessariis polieret vel propria careret parochia, quaesivisse. Ceterum eidem Defensori certum est matri Mariae insinua- tam esse necessitatem quasi-domicilii in paroecia sancti Sul- pitii, et eam esse consiliis obsecutam. Quocirca, urget Ora- tor, Ordinarius varsaviensis in citata dispensatione a bannis affirmat, Mariam pertinere ad parisiensem dioecesim « du Diocèse de Paris ». Quod ille affirmare debuit quia nuptu- rientes varsaviensi curiae id affirmarunt.

His in facto positis, prosequitur Patronus, impune dari posset nedum Ioannem, verum etiam Mariam alibi habuisse parochiam propriam. Etenim, si Mariae mater ante cele- brationem matrimonii parochiam sancti Sulpitii ingressa est animo ibi manendi ad notabile tempus, parochia sancti Sul- pitii, quando nuptiae factae sunt, erat propria matris et proin etiam filiae.

Quia Ioannis Advocatus advertit, domicilium a Mariae matre in diversorio commorante contrahi non potuisse, re- ponit matrimonialis foederis tutor, non unum matrimonium nostris praesertim diebus nullitatis vitio tabescere, si habi-