COMMENTARIUS.

(a) Est alia opinio, etc. Haec non est opinio D. Thomae, sed illa magis est re ductio prioris opinionis, seu interpretatio ejus ad sensum congruum, in quo sustineri posset cum aliqua probabilitate. Hanc etiam impugnat Doctor, et bene, quia si rediret materia antequam nova substantia generetur, et non desinerent species, essent simul cum corpore Chri sti: si redire dicatur per creationem materia nova in instanti corruptionis per modum subjecti novae generationis, hoc etiam nequit, quia deberet redire quanta secundum D. Thomam et veritatem, ut esset subjectum proportionatum actioni agentis naturalis. Deinde illa materia esset sine forma substantiali, quod est impossibile in sententia D. Thomae, quia non existit, nisi existentia formae, ut ipse affirmat, neque facit ad generationem, quia non est quanta, ut dictum est, cum quantitas supponatur esse in toto; tum etiam, quia generatio habet corruptionem annexam ex principiis D. Thomae, ut patet de corruptione viventis, et ejus generatione juxta sententiam ipsius; hic autem non est forma substantialis, quae corrum peretur.

Secundo impugnat rationes D. Thomae contra Innocentium, quia si loquamur de potentia absoluta, certum est idem posse redire, quia non est major repugnantia ex parte termini postquam desinit adesse, quam fuit antequam primo fuit productus, neque minor potentia ex parte Dei. Ex quo sequitur, quod materiam, tam annihilatam quam conversam posset Deus producere, ideo discipuli D. Thomae interpretantur eum locutum fuisse de impossibilitate, ut opponitur potentiae ordinariae ; sed sic magis urgent contra praefatam sententiam, quae docet per miraculum redire eamdem non numero, ut insinuat ratio D. Thomae, sed in specie ; id autem a pluribus conceditur, et necessario concedi debet ab omnibus, qui docent substantiam novam attingi virtute agentis naturalis in specie, quia in materia prima nulla est differentia specifica ; eo ergo ipso, quod non redeat eadem numero, quae fuit panis, debet redire similis in specie. Sed neque interpretari potest hoc modo sententia Innocentii, qui dicit substantiam totam redire. Merito ergo Doctor hanc opinionem magis adscribit ipsi D. Thomae, et in eo eam primo impugnat ex variis opinionibus ejusdem Sancti, quasi ad hominem secundo impugnat ejus fundamenta, etc.