CAIETA.NA 535

qui in planitie Fontem baptismalem exoptant et efflagitant, die 9 Iunii a. 1899 per actum S. Visitationis, sed non admonito, uti fertur, capitulo S. Michaelis, hoc dedit de- cretum inscriptum de altero communi fonte; communi nempe utrique paroeciae. En Decretum: « Iamdiu nobis exposita fuit necessitas facilius consulendi infantibus baptizandis in oppido Itri ».

« Ea enim est huius Oppidi natura, ut pars incolarum utriusque Paroeciae sita sit in lateribus, et in summitate collis, altera pars vero, quae in dies crescit, iacet in pla- nitie. Iam aegerrime, et non sine incommodo, et periculis, tempore praesertim hiemali , et aestivo, infantes deferunt ad summum collis, ubi unicus fons baptismalis et commu- nis existit in Parochiali et Collegiata Ecclesia S. Michaelis Archangeli. Ex quo saepius factum est, ut baptisma, nobis invitis, ad plures dies dilatum sit, vel in Sacellis S. Rochi et S. Leonardi, cogentibus patribus familias, et patrinis, admi- nistrari necesse fuerit, neglecta Parochiali Ecclesia. Ut au- tem huic novae, et improbatae consuetudini obviam eamus, simulque faciliori primi et tam necessarii inter Sacramenta administrationi prospiciamus, voto civium, et universitatis Itrii satisfacientes permittimus, ut alter fons baptismalis erigatur in Ecclesia SSmae Nuntiatae, qui fons communis sit Parochis tam S. Michaelis Archangeli, quam S. Mariae Maioris sine ullo praeiudicio iurium Parochi S. Michaelis Archangeli quoad candelam, quae offertur de more a pa- trinis, et semper ad ipsum spectabit quoties ipse infantes suae Paroeciae baptizaverit ».

« Candela vero quae offertur a patrinis infantium S. Ma- riae Maioris a Parocho Priore donetur Ecclesiae SSmae Nuntiationis, quae curam fontis habebit ».

Sed neque huic Decreto sibi obsequendum esse arbitra- tus est clerus S. Michaelis, qui proinde ad S. Sedem ap- pellavit.