538 EX S. C. CONCILII

hili faciendum esse parochi, Capituli, interesse habentium dissensum docet, cum pluribus, Fagnanus, cap. Ad audien- tiam; omnes enim conveniunt, consensum, in casu non exigi pro forma, sed tantum ratione praeiudicii, seu ad auferen- dum praeiudicium, Rota coram Crispo decis. 221 n. 14 in Recanaten. Argumenti cong. dismembrationis, die 18 Fe- bruarii 1854, § Unum.

Quoad alterum decretum haec animadversa fuerunt. - Antiquiore disciplina tantum Ecclesiae Cathedrales Fontem baptismalem obtinebant et baptismi administrationi Episco- pus ipse usque intererat, prouti probat Bened. XIV. Inst. eccles. 1, n. 4. Progressu temporis aucto populo christiano etiam simplicibus Ecclesiis parochialibus Fons baptismalis concessus fuit; adeo ut iurisprudentia S. C. C. firmaverit principium, nempe unamquamque parochiam Fontem baptis- malem retinere debere, dummodo tamen Fons baptismalis non extet in aliquibus Ecclesiis quae matrices vel ba- ptismales appellantur, uti refert Fagnanus, cap. Contingat, De decimis, n. 59.

Quare Fontes solent esse communes pluribus paroeciis, sed erigere Fontem communem idem facessit negotium ac Fontem erigere peculiarem uni Paroeciae.

Sane Fontem baptismalem in sola cathedrali matrice esse asservandum eoque infantes totius civitatis ad Sacra- mentum baptismatis suscipiendum esse de ferendos, definitum fuit ab S. C. C. in Lycien. 19 Aprilis 1606.

Baptismalis fontis erectionem in parochiali Ecclesia S. Mariae Novae Castri Seronis ab Episcopo in visitatione praescriptam, iuxta parochiae incolarum petitionem et ad- versus protesfationem Ecclesiae matricis, sustinendam esse declaravit S. C. C. data vero parochianis libertate deferendi iuxta solitum, filios baptizandos etiam ad alias Ecclesias; in Fulginaten. Fontis baptismalis, 22 Iunii 1720.

At Fontis baptismalis erectio conceditur etiam ab S. C C . de consensu tamen Ordinarii et interesse habentium : in Massilien. Ecclesiae S. Stephani Ian. 1640.