LEOPOLIEN. SEU PREMISLIEN. 539

deposuit, et fatetur: « Persuasum mihi est, matrimonium numquam consummatum fuisse ». Atque Anna Kutschera familiae Laczynskae famula: « Numquam vidi coniuges in uno lecto. Persuasum mihi est toto tempore, quo eram cum illis, matrimonium non fuisse consummatum. Comes est omnino fide dignus ».

Postea oratores ad circumstantias speciales seu admini- cula confugiunt, quae iisdem videntur veritatem praestiti iuramenti apprime revincere. Ac primo sedulo attendenda est mulieris praegnantia et sollicitatio matris, ut Henrica nocturno tempore inebriata iniret copulam cum comite Plater ad cooperiendum peccatum. Ad hoc inutile subterfugium haud recurrerit si Henrica vitam coniugalem ducere non de- trectasset. Consideranda insuper est partus occultatio « per dare la vera ragione dell'intendimento la puerpera preten- deva una slocatura di gamba »; ita obstetrici doctores. Iam- vero si vel unicus contactus intercessisset cum marito, pro- fecto laetabunda Henrica proximum partum revelasset, ut suo honori ac prolis legitimitati consuleret. Atque perpen- denda postremo est ingenua confessio de commissa culpa ab Henrica, in sui praeiudicium facta, et immensus eius amor erga iuvenem Potoeki, ex quo naturalis erga maritum orie- batur aversio. Concludunt patroni referendo plura S. C. C. exempla, quibus constat in longe gravioribus casibus sola certitudine morali dispensationem indultam fuisse; ac deni- que ad eorum plurimas rationes magis magisque comproban- das E E . Patribus praesentant consultationem canonico-theo- logicam faventem omnino assertae non consummationi.

A N I M A D V E R S I O N E S V I N D I C I S S . V I N C U L I . Vinculi tutor re- colit in primis quomodo maxime opportunam duxerit sup- pletoriam inquisitionem ab adversariis petitam; agitur enim de coniugibus, qui per duos menses et amplius una simul conversati sunt, ut plurimum solus cum sola, quos ambos coniugali genio aptos esse in confessis est. Constat pariter testes omnes, quibus actio adversa innuebatur, per totum illud non suspectum tempus fuisse a coniugum conversione