540 EX S. G. CONCILII

processu examinatae sint ab Ordinariis in decernendis fini- bus parochiarum aut in erigendis paroeciis aut Fontibus ba- ptismalibus, ut ipsa S. C. easdem rationes examinet et per- pendat ad dissolvendam quaestionem, an episcopalia decreta sint confirmanda vel infirmanda. Posthabitis enim solemni- tatibus, maxime hac nostra aetate, ratio salutis animarum potissimum habenda est.

D u b i a

I. - An decretum Archiepiscopi 8 Iunii 1899 sit confir- mandum vel infirmandum in casu.

II. - An decretum Archiepiscopi 9 Iunii 1899 sit con- firmandum vel infirmandum in casu.

Quibus dubiis responsum fuit sub die 11 Augusti 1900:

« Dilata et scribatur Archiepiscopo, an incertos fines paroeciarum solummodo determinaverit vel etiam iam con- stitutos in aliqua saltem parte determinaverit ; et audiat tam parochum S. Mariae, quam Archipresbyterum et Ca- pitulum S. Michaelis, ut exponant an et in quonam, ex decretis dierum 8 et 9 Iunii 1899, sua iura laesa fuisse contendant ; capitulum vero S. Michaelis exprimat quae iura sibi vindicet in Ecclesia SSmae Annunciatae atque do- cumenta exhibeat, quibus suam intentionem probare prae- sumit ».

Archiepiscopus, Capitulum et Parochi, iussa peragentes, deduxerunt apud S. C. Concilii quidquid ab eisdem petitum fuit, per longum sermonem et quamplurima documenta, quae sunt apud acta S. C.

Controversias vero extitisse pene assiduas inter Capitu- lum S. Michaelis et Clerum Ecclesiae S. Mariae Maioris docent omnia documenta allegata a Capitulo S. Michaelis quippe continent decreta edita ad lites praecidendas.

Hisce animadversis, proposita fuerunt diluenda