MELPHIENSIS 543

aut saltem eorum aliquem civem ipsius civitatis habuerit et dictae Ecclesiae in ordine Acolytatus etc. ». Eisdem verbis hoc privilegium ratum habetur et confirmatur in Const. Cle- mentis VII. In Constitutionibus cavetur qui fuerit Italus et antiquus civis quia tunc temporis Melphii non pauci ha- bebantur incolae Albanenses. Capitulum vero in suis ani- madversionibus ita summat huiusmodi requisitum « di essere cioè cittadino nato a Melfi, ed avere i genitori od almeno uno di essi cittadino nato anche nella medesima città di Melfi ». Hac de causa detrectat admittere clericum Cioffì in suum gremium, quippe non natum Melphii. Quare ait, illi non prodesse eius matrem esse civem Melphiensem, quia filius non matris, sed patris sortitur originem et civitatem. Pater autem Oratoris per accidens natus est Melphii dum eius parens Melphii ageret curatorem silvarum et hinc ibi haberet quasi domicilium. Quamobrem, iuxta capitulares, avus et pater oratoris nedum antiqui cives, sed ne quidem cives sunt Melphienses. Quam civitatem multo minus sor- tiri poterat orator, qui neque per accidens Melphii natus est. Huc spectant omnia argumenta a canonicis adducta.

Ex adverso Tolomeus Cioffi animadvertit, sibi negari non posse civitatem Melphiensem, quia in dubium vocari haud licet, eum hodie esse civem Melphiensem ob domicilium, imo esse civem antiquum, quia eius pater inibi, praeter ori- ginem, domicilium habebat dum ipse per accidens in civi- tate - Laurenzana - natus est. - Sane inquit, originem Melphiensem certe abiudicari eius patri non posse, qui Mel- phii natus est a patre, qui ibi flxerat domicilium, quippe huc remeavit statim ac pensione donatus officio curatoris silva- rum amplius non est functus, cum animo Melphii obeundi diem supremum, quem alibi oppetiit, necessitate rei dome- sticae alio vocatus.

Quam doctrinam tradidit Bonifacius ita decernens : « Cum nullus clericum paroeciae alienae, praeter ipsius licentiam debeat ordinare, superior intelligitur in hoc casu Episcopus de cuius dioecesi est is qui ad ordines promoveri desiderat