Sacra Congregatio Rituum 545

nae vitae cum pro universa Ecclesia tum pro eiusdem Ecclesiae con- gregationibus localibus. Nam « cetera sacramenta, sicut et omnia ecclesiastica ministeria, et opera apostolatus, cum sacra Eucharistia cohaerent et ad eam ordinantur. In sanctissima enim Eucharistia totum bonum spirituale Ecclesiae continetur, ipse scilicet Christus, Pascha nostrum panisque vivus per carnem suam Spiritu Sancto vivi- ficatam et vivificantem vitam praestans hominibus, qui ita invitantur et adducuntur ad seipsos, suos labores cunctasque res creatas una cum ipso offerendos ». 2 8

Communio vitae divinae et unitas populi Dei, quibus Ecclesia sub- sistit, Eucharistia apte significatur et mirabiliter efficitur.29 In ea cul- men habetur et actionis qua Deus in Christo mundum sanctificat et cultus quem homines Christo et per ipsum Patri in Spiritu Sancto exhi- bent ; 30 eiusque celebratio « summe eo confert ut fideles vivendo expri- mant et aliis manifestent mysterium Christi et genuinam verae Eccle- siae naturam ». 3 1

7. Mysterium eucharisticum centrum Ecclesiae localis.

Per Eucharistiam « continuo vivit et crescit Ecclesia. Haec Christi Ecclesia vere adest in omnibus legitimis fidelium congregationibus localibus, quae pastoribus suis adhaerentes, et ipsae in Novo Testa- mento ecclesiae vocantur. Hae sunt enim loco suo Populus novus a Deo vocatus, in Spiritu Sancto et in plenitudine multa (cfr. / Thess. 1, 5). In eis praedicatione Evangelii Christi congregantur fideles et celebratur mysterium Cenae Domini, " u t per escam et sanguinem Domini corporis fraternitas cuncta copuletur " , 3 2 In quavis altaris communitate, sub Episcopi sacro ministerio x>,33 vel sacerdotis qui Epi- scopi vices g e r i t 3 4 (( exibetur symbolum illius caritatis et " unitatis

28 Conc. Vat. II, Decr. de Presbyterorum ministerio et vita, Presbyterorum ordinis, n. 5 : A. A. S. 58 (1966) p. 997.

29 Cfr. Conc. Vat. II, Const. dogm. de Ecclesia, Lumen gentium, n. 11: A. A. S. 57 (1965) pp. 15-16; Decr. de Oecumenismo, Unitatis redintegratio, nn. 2, 15: A. A. S. 57 (1965) pp. 91-92, .101-102.

30 Cfr. Conc. Vat. II, Const. de Sacra Liturgia, Sacrosanctum Concilium, n. 10: A. A. S. 56 (1964) p. 102.

31 Ibid., n. 2 : A. A. S. 56 (1964) pp. 97-98; cfr. etiam n. 41: A. A. S. 56 (1964) p. 111. 32 Oratio mozarabica : PL 96. 759 B. 33 Conc. Vat. II, Const. dogm. de Ecclesia, Lumen gentium, n. 26: A. A. S. 57

(1965) p. 31. 34 Cfr. Conc. Vat. II, Const. de Sacra Liturgia, Sacrosanctum Concilium, n. 42:

A. A. S. 56 (1964) pp. 111-112.

35 - A. A. S.