548 EX S. G. S. R. U. INQUISITIONIS

circumstantiis, deque gravissimis incommodis immo et proxima vitae discrimine, in quo infelix rapta eiusque propinqui quam saepissime incidunt, ni in matrimonium cum raptore, adhuc sub immediata vel mediata eius potestate constituta, ipsa con- sentiat, Amplitudines Vestrae retulerunt. Verumtamen haec omnia, si res subtilius inspiciatur, potiusquam legis Tridentinae relaxationem, eius confirmationem suadent. Ad hos enim prae- cise convellendos abusus et barbaros mores extirpandos Sacro- sanctum Concilium eiusmodi impedimentum invexisse constat. Quare ipsi modo impedimento pro istis Regionibus generatim derogare idem esset ac qui deplorantur abusus indirectim quo- dammodo confirmare, ampliorem eis viam sternere et recogni- tam a Sanctis Tridentinis Patribus huius remedii efficaciam in dubium revocare.

Quod autem remedium a Vestr is Amplitudinibus proponi- tur iuramenti ex parte mulieris raptae, adhuc sub raptoris po- testate constitutae, aliquibus in casibus haud indubium de ab- sentia vis et metus deque ipsius mulieris vere libero consensu praeberet argumentum. Siquidem enim vim et metum abdu- ctam mulierem ad exprimendum exterius suum in matrimo- nium cum raptore consensum, refragante interius voluntate, inducere posse rationabiliter timetur: cur et non aeque ratio- nabiliter timeatur ne eam ad propriam assertionem etiam iura- mento firmandam compellat? Dum igitur, ex una parte, ma- nifesto mulier exponeretur peierandi periculo; certum, ex al- tera, legi Tridentinae vulnus inferretur.

Haec tamen omnia de normali atque, ut ita dicam, theo- retica legi Tridentinae derogatione dicta intelligantur; quod enim ad casus practicos attinet, nihil prohibet quominus, si et de raptae vere libero consensu quomodocumque certo constet, et sufficientia ad dispensandum motiva praesto sint, eidem per dispensationem succurratur. At in re tanti momenti, praeser- tim ne ex nimia huiusmodi dispensationis obtinendae facilitate sanctissima lex Tridentina vilescat, iudicium S. Sedi omnino reservari convenit; ad quam proinde toties quoties, omnibus expositis casus adiunctis, Amplitudines Vestrae recursum ha- bere non dedignabuntur.

Interim vero S. Sedes plane confidit Amplitudines Vestras, pro ea qua praestant pastorali sollicitudine atque animarum zelo, omne studium omnemque curam adhibituras fore, ut, sive