MEDIOLANEN. 557

centimetri , adest membrana quae obicem ponit copulae carnali.

At recensitum vitium nec evidenter, nec necessario im- potentiam concludit. Audi Zacchiam quaest, medie, legal. I. 9, tit. 3, q. 5, n. 4: (ibi) « Membrana aut erit tenuis aut crassa et carnosa, aut erit perforata aut non, aut erit po- sita interius versus internum uteri osculum aut in medio colli uterini aut prope os externum: nam hae omnes dif- ferentiae multum faciunt ad determinandum quaenam oc- clusio curabilis quae vero incurabilis ; item quae facile, quae difficulter et non sine aliquo vitae discrimine possit curari ».

Prosequitur idem Zacchias (loc. cit.)-. « Igitur quo cras- sior haec membrana est, quo altius posita, quo magis clausa et nullo foramine praedita, eo magis incurabilis, imo nullo modo curabilis. Quo tenuior ergo est , quo inferius posita, quo magis pervia, eo facilius et minori cum periculo cura- bilis j, quae vero medio modo se habet,, mediocriter etiam periculo et curationis difficultati est obnoxia ». Iam vero praesenti in specie membrana inferius « un centimetro e mezzo al di là dell/ ostia vaginale » posita est.

Huc accedit ut memoratum vitium non solum impoten- tiam nec evidenter nec necessario concludat, sed praeterea complura argumenta potentiae in Ernesta deprehensa sint. Profecto antedictus iudicialis peritus Malachias de Cristo- foris percontanti iudici: an in transitu puellae ad puberta- tem signa reperiit, quibus argui posset ipsam carere orga- nis genitalibus proprii sexus : respondit, puellam adeptam esse pubertatem cum omnibus caracteribus, quibus eadem pubertas praedita esse solet in aliis regularis constitutionis. Quae quidem potentiae signa accurate describit alter iudi- cialis cognitor medicus, Hector Truzzi.

A iudicialibus his duobus peritis minime dissentire au- dent medici Eduardus Porro et Alexander Cuzzi, etsi a studio partium immunes iure non censeantur, quia corpus Ernestae absque ecclesiastici iudicis mandato, ut supra in- nuimus, iam exploraverant.