564 Acta Apostolicae Sedis - Commentarium Officiale

magister, per triennium vero Mediolani uti Monialium Angelicarum,

quas idem S. Antonius Maria fundaverat, confessarius, degit : reliquum

vitae Modoetiae transegit, variis muneribus, praecipue Praepositi ac

novitiorum Magistri gerens, maximorum eorum emolumento.

Quinque supra quinquaginta annos in exemplum religiosam duxit

vitam. Animi collectionem adamabat beatamque solitudinem a mundano

consortio abhorrens. Pius, humilis, silentio addictus, corpus poenis

sponte susceptis afflictabat, in caelestium rerum meditationem incumbe-

bat, ex qua divinam illam abunde hausit doctrinam, quam in nonnullis

asceticis libris, magno in honore nunc quoque habitis, ipse transfudit :

duo praesertim praeceteris sunt memorandi: Diario spirituale et La ve-

rità scoperta al Cristiano.

Insignis in eo fuit erga Ss. Eucharistiam, erga Beatam Virginem

ceterosque coelites devotio, insignis fides, sine limite spes et caritas sive

in Deum sive in proximos. Nec supernaturalia charismata desunt. Testes

enim coaevi deponunt eumdem in aera levatum et radiis circumfusum

visum fuisse ; item prophetiae ac cordium scrutatione aliisque donis

ditatum.

Acuta febri correptus, sacramentis morientium roboratus, hora mortis

praenuntiata, die 27 Ianuarii mensis anno 1681 in pace Christi sanctis-

sime quievit.

Vivissima sanctitatis fama continuo erumpente, sequenti anno infor-

mativus processus Mediolani constructus fuit Romamque delatus. Verum

causa tacuit usque ad annum 1886 quando novus auctoritate ordinaria

processus fuit constitutus super continuatione famae. Anno 1891, scriptis

examini subiectis, favorabile fuit editum decretum. Anno 1893 causa

fuit introducta. Annis 1913-1915 Apostolica auctoritate constructus fuit

processus super virtutibus in specie, cuius iuridica vis anno 1921 fuit

recognita. Die 16 Februarii a. 1937 coram Revino Cardinali Alexandro

Verde, causae Ponente seu Relatore, Antepraeparatoria Congregatio fuit

celebrata : die 30 Aprilis a. 1940 Praeparatoria habita est. Postea histo-

ricae Sectioni causa est concredita. Sagaci eius industria, cribrata cri-

tice plurium documentorum fide, eorumque probandi vi, omnes difficul-

tates, quae probationes respiciebant, fuerunt plene remotae.

Quare nova Praeparatoria die 14 Ianuarii, elapso anno coram Cardi-

nalibus coacta fuit; Generalis demum die 8 elapsi mensis, coram Ssmo

Domino Nostro Pio Papa Duodecimo, in qua idem Revmus Cardinalis

Relator dubium posuit discutiendum>: An constet de virtutibus theolo-

galibus Fide, Spe, Caritate cum in Deum, tum in proximum, nec non de

cardinalibus Prudentia, Iustitia, Temperantia, Fortitudine earumque