577

LITTERAE in forma Brevis SSmi O. N. Leonis XIII, occasione anni centesimi ab in-

stitutione nobilis cohortis Sacratissimum Principem protuentis.

LEO PP. X I I I .

Dilectis Filiis Protector ¿bus Nostri Lateris Merentibus et Emeritis.

Dilecti filii, salutem et Apostolicam benedictionem. Saecu- laris eventus faustitas, quae nobilem cohortem vestram hisce diebus laetitia merito perfundit, non ita cadit in rationem rerum vestrarum, ut Nos etiam quodammodo non attingat, et ad iu- cundos animi sensus non commoveat. Respicientes enim Nos spatium praeteriti temporis, et memoria repetentes varia rerum eventa, quae huic Apostolicae Sedi, Deo volente, vel secunda vel adversa acciderunt, animadvertimus vestros in munere de- cessores, quorum non pauci erant vobiscum cognatione et af- finitate coniuncti, in assignata sibi a Pontifice statione digne permansisse. Enimvero undevigesimo ineunte saeculo, cum non- nulli Quiritium Optimates quo obsequium studiumque suum difficillimis Ecclesiae temporibus Romano Pontifici testarentur, enixe peterent a regnante Decessore Nostro Pio VII , ut se in numerum veterum excubiarum adsciscere vellet, et ille Ponti- fex libenter eorum optatis obsecundans in locum praetoriae Equitum turmae eos nobiles viros volens lubensque sufficeret, repente foeda illa tempestas coorta est, qua fortuna Apostoli- cae Sedis, m o x ad pristinum decus et splendorem reditura, iacuit aliquandiu inclinata ac pene eversa. Id temporis, ut me- moriae posterorum proditum est, novi Equités, licet in militia tyrones, illustre dederunt specimen fidelitatis et virtutis: malue- runt enim in Urbanam Arcem, quasi mancipi a, detrudi, quafn ab observantia desciscere, et fidem Pontifici semel datam vio- lare. Cuius quidem laudis nemo vestrum est, dilecti filii, qui non sentiat quodammodo se esse participem, ideoque vos o- mnes saecularia istiusmodi solemnia, velut gentilitia sacra, laeti factitatis. Quae virtus et fides in posterioribus etiam rebus ge- stis et in recentioribus Ecclesiae acerbitatibus et luctibus lu- culenter apparuit, et Nos pro certo habemus fore ut unusquis- que vestrum, si res postulet, eandem religionem Nobis, ean- dem fidem servet, ac maiores vestri praestiterunt et paris vir- tutis edat exempla. Ad Nos quod attinet, Decessorum Nostro- rum supra dicti Pii VII , Leonis X I I , Gregorii X V I , et Pii I X ,

Acta. Tom. XXXIII. fase. CCCXCIV. 37