582 PINNEN.

evincit, quanam potestate Archidiaconi procederent in con- cedendis bullis et institutione parochorum Colliscorbini , sunt nonnulla verba quibus ipsi bullas concludunt. Ex his enim apparet archidiáconos non solum non processisse iure suo aliquo privato; imo neque sola Archidiaconali potestate et officio suffulti; sed ipsa Episcopi extraordinaria et dele- gata iurisdictione armati. Namque in bullis commissa ordi- nario cancellario curiae institutione corporali additur « amo- to exinde quolibet illicito detentore, contradictores vero per poenas et censuras ecclesiasticas compescendo. » Iamvero indubium omnino est « quod omnes et soli superiores ec- clesiastici iurisdictionem in foro externo et contentioso ha- bentes » censuras ferre possunt; Gury tract. De censuris art. 2j, n. 491, et sic Summus Pontifex, eius legatus , superiores generales aut provinciales ordinum religiosorum^ Archiepiscopi et Episcopi Gury cit. I. num. 942.

Archidiaconi autem etiam in antiquo potentiae statu cen- suras ferre prohibebantur ex cap. Archidiaconus 5 De off. areli.; nisi tamen id facerent cum delegata Episcopi aucto- ritate, ceu monet Reiffenstuel I. cit. num. 9: eodem modo ac hodierni vicarii generales, teste Gury loc. cit.

Ex quibus omnibus dicendum videretur, quod, si Ar- chidiaconi olim parochis Colliscorbini institutionem dabant, et quidem comminando censuras, id fiebat in vim archidia- conalis dignitatis, tunc vigentis, auctae tamen etroboratae delegata Episcopi iurisdictione.

Huc autem quaestione perducta, prona est conclusio. Si- quidem si tempore anteacto Archidiaconi multa exercuerunt iura; nunc omnia haec iam oblivione premuntur, veluti ho- diernus Praesul adnotat ; ac proinde cum iis institutionis quoque ius in themate ab usu recedere debuit. « Nunc tem- poris, Vecchiotti loc. cit. , Archidiaconorum potestas pene concidit, et omne ipsorum munus eo redactum • est, ut ad- sint Episcopo generales ordinationes habenti; de qua re vide constitutionem Benedicti XIV Ex quo dilectis, et decisio- nem S. C. C. in Tridentina 28 Ianuarii 1848. »