582

EX S. CONGREGATIONE CONCILII

STRIGONIEN.

D I S P E N S A T I O N I S M A T R I M O N I I

Die 12 Septembris 1896. Sess . 12, cap . 5, De re form, m a t r .

C O M P E N D I U M F A C T I . Die 25 Novembris 1889, praemissis bannorum promulgationibus, Theresia 22 annos nata, coram proprio parocho pagi Bath, Archidioecesis Strigonien, de- nupsit Stephano in 32 aetatis anno constituto.

Nuptiae, quae infaustis initiis contractae fuere, infeli- cissimum habuerunt exitum. En quomodo Theresia ipsa res enarrat in supplici libello ad Emum Strigoniensem Ordi- narium :

« Contractui matrimoniali brevis, vix sex hebdomada- rum, notitia praecessit inter me et Stanyo, qui tunc tem- , poris in Bath custos fuit securitatis publicae. Ego, quae Iosephum Radza amavi et cum quo etiam sponsalia inivi eiusque annulum sponsalitium portavi, nulla prorsus incli- natione ferebar erga Sthephanum, parentum meorum e contra vehemens desiderium fuit , ut eodem ipso tempore quo frater meus ducet, ego quoque nubam, ut nostra copu- latio et nuptiae una eademque die asserventur. Ratio et motivum, quod parentes meos in eo desiderio movebant, fuit, ut ego nubens et domum paternam relinquens, locum faciam uxori fratris mei ad domum parentum meorum ve- \ nienti ». Atque subiungit continuis parentum exhortationibus resistere non valuisse, pluries autem ipsis manifestasse, se absque voluntate cum Sthephano matrimonium contracturam.

Initis nuptiis, coniuges per duos tantum dies simul com- morati sunt, et cum primam noctem transegerint insomnes :¡ inter nuptialia convivia, una solummodo nocte eodem in cubili dormierunt, sed separatim, uti asseritur; Stephanus

i