EX S. G. RITUUM 585

cere valuisset. Vindícate- itaque a censoriis conatibus universo probationum instructu, quo huius causae moles sustinetur, modo est videndum an exinde ea conficiatur famae demonstratio, quam iura nostra requirant.

CAPUT III .

De Fama Sanctitatis.

Late admodum patuisse et patere famam sanctitatis, qua duo- bus ferme abhinc saeculis nomen et memoriam Dei Famulae incla- ruit, implicite fatetur vel ipse humanissimus Censor, qui de eius amplitudine ac perseverantia nullum certamen iniicit, et universae disceptationis fines ad eiusdem expendendam originem coarctat. Purum ac legitimum haud esse fontem, unde haec sanctimoniae fama defluxit, videlicet non ex virtutum praestantia, sed ex su- pernis muneribus, quibus ditata apparuit Ancilla Dei, hanc famam ortum duxisse ostendere adnititur egregius Contradictor, afferens verba Testis I aientis: " Les fidèles l'avaient en telle odeur de sainteté, que d'après son premier Historien on coupait des fragments de ses vêtements et on les conservait comme des reliques ". Non ii profecto sumus qui inficiari velimus huiusce sanctimoniae famam haud exiguum suscipere potuisse incrementum, licet ex actis id in- ferri nequeat, a supernis charismatibus quae in Dei Famulae vitae commentario descripta reperiuntur; hoc nostrae non officeret cau- sae, sed eidem prodesset, quum scitum sit huiusmodi dona in Ser- vis Dei, quorum virtutes aliunde probentur, verum signum esse sin- gularis favoris et divinae dilectionis, datumque intuitu illius vi- tae, et ad eius sanctitatem evulgandam; sed praecise negamus su- pernaturalia dona ex imaginario Dei Famulae Sororum commento, ceu Censura scribit, in vulgus edita in causa fuisse, cur Ancilla Dei uti sancta haberetur. Numquid omnes istius sodales aures tan- tum habebant, quibus narrationes de illius visionibus et supernis revelationibus exciperent, et oculis non utebantur, queis eiusdem integritatem vitae et christianarum virtutum repetitos actus inspi- cerent? Numquid in commentariis, quae laudat Animadversio, cae- lestia dona dumtaxat relata sunt, non vero virtutes quibus exor- nata ad obitum usque refulsit Dei Famula? Ecquomodo igitur dici potest, ea legentes non ob vitae integritatem et virtutum praestan- tiam, sed tantum ob supernorum munerum copiam in eius sancti- tatis opinionem venisse?