588 STRIGONIEN.

Concilii in Wormatien. Matrimonii 7 Iulii 1731 et in Mediolanen. Matrimonii 20 Novemb. 1734; aliunde non desunt exempla, in quibus una ex partibus, contumace vel invita existente, dispensatio data fuit: et ratio est quia, quando constat de matrimonii inconsummatione et de iusta causa ad dispensandum, repugnantia vel contumacia unius ex coniugibus non potest impedire Pontificis potestatem, et aequum non est quod ex ipsius resistentia alter coniux prae- grave tur. Haec de argumento morali, nunc ad argumentum physicum seu anathomicum, desumptum ab inspectione cor- porali actricis Teresiae peracta a peritis in arte.

Vix recolendum puto quanti hac in re peritorum prae- sertim iudicialium auctoritas sit facienda cum hi, teste Card. De Luca de iudiciis disc. 33, n. 20 « potius ad iu- dicandum quam ad testificandum assumantur » et Abbas in cap. 2 de Probationibus tradat quod « iudex secundum eo- rum testimonium sententiam proferet » haec enim est ni- mis vulgata et trita doctrina.

Age vero nunc expendatur quale et quantum sit perito- rum testimonium. Duo medici honestate, religione et scientia praestantes, seorsim peracta inspectione corporis Teresiae, iurati de integritate hymenis et de aliis virginitatis notis in femina repertis deponentes, in conclusionem deveniunt, Teresiam virginem esse, integro permanente hymene. Haec integritas hymenis a medicis reperta in themate per se suf- ficeret ad asserendam inconsummationem matrimonii, quia iurisprudentia S. C. C. retinet, matrimonium, hymene in- tegro, non esse consummatum, nisi ex medicorum examine et attestatione aliud constet, Gasparri Tract, can. de matr. n. 1065: sed ulterius in instante Teresia omnes aliae "vir- ginitatis notae concurrunt. Quare si in huiusmodi quaestio- nibus iudex peritorum testimonio stare debet, iuxta supe- rius tradita , necessaria conclusio fluit, matrimonium Te- resiae inconsummatum mansisse; nihil in contrarium faciente defectu usus balnei aquae tepentis et non interventu obste- tricum cum honesta matrona, quia haec in praxi fere ab