STRIGONIEN. 589

aula recesserunt, ut pluribus decisionibus S. O. C. probari posset.

De causis dispensationis loquendo Consultor ait : Ia Causa est maxima aversio et odium quo Theresia afficitur erga Ste- phanum, siquidem ipsa primo coacta fuit ipsi nubere contra suam voluntatem : et reconciliatio Teresiae cum suo sponso est prorsus impossibilis ob odium implacabile, quo fertur erga ipsum, ut omnes testes deponunt ad 14 quaestionem.

2 a Causa est periculum incontinentiae. Theresia est in pleno vigore suae aetatis, trigesimum annum iam numerans, et testantibus medicis, est sana et robusta, proinde obnoxia aestuantis libidinis motibus. Iam vero has duas causas suf- ficere ad dispensationem tradit supra citatus Cosci De sep. tori lib. h n. 250., 259. Sed et adest in casu 3 a , eaque gravissima et specialis causa, nempe periculum apostasiae.

V O T U M C A N O N I S T A E . Matrimonii inconsummatio, ait Con- sultor, triplici argumentorum genere probari solet: I o testi- monio iurato ipsorum coniugum ex septimae manus testimo- nio corroborato ; 2° praesumptionibus ; 3° corporis mulieris inspectione.

Atqui hoc triplex argumentorum genus hic concurrit ad probandam matrimonii inconsummationem.

Ac Io attestatio iurata unius coniugis, seu mulieris, cum maritus contumax sit.

Mulier, sub iuramento, iudici fassa est: paratam esse sese subiicere corporis inspectioni, cum virum non cognoverit.

Quanti autem fieri debeat huiusmodi mulieris confessio probatur non solum ex adnexo iuramento cap. ex litteris 32 Iureiurando, sed potissimum ex testimonio septimae manus.

Mulieris attestatio confirmatur praeterea variis admini- culis et praesumptionibus. Et sane unica nocte in uno cu- bili, sed lectis separatis neo-sponsi dormiere et quidem prae- sente matre, quae in alio lecto dormiebat.

Tandem, quod omnem dubitationem de non consumma- tione matrimonii adimit, est iuratum duorum medicorum iudicium de mulieris integritate, post factam inspectionem.