590 EX è. C. RITUUM

anno 1882 typis editam Iudicibus exhibuit, eamque ad probandum admitti voluit, sub iuramenti religione declarans : u tout ce que j 'a i écrit sur les vertus héroïques et sur les œuvres de la Servante de Dieu, est entièrement conformé à la tradition orale, et aux docu- ments originaux ". Profecto religiosissimus hic vir, qui documenta cuncta expenderat, si quid viderat quod a sanctitate dissideret, vel aliquid huiusmodi ab aliis notari audiverat; si exinde hanc sibi persuasionem induxerat, ceu insinuare contendit Animadversio, Dei Famulam vixisse ac decessisse sicuti ceteros christianos omnes, qui bene quidem non vero heroice vixerunt, neque eius defectus ac lapsus silentio praeteriisset, neque eius virtutes ac sanctimoniam tot laudum praeconiis prosecutus esset. Que Jeanne donc, ita opus suum absolvit, ait été une sainte, c'est ce qui parait résulter comme nécessairement de la simple inspection de sa vie et de ses vertus héroïques ; c'est ce qui parait ressortir également de la croyance générale qui s'établit spontanément après sa mort. Haec satis ostendunt, qualis de virtutum praestantia ac sanctitate Dei Famulae opinio Sacerdotis Voleau animo insederit, et quanti fa- cienda sit dissona vox, quam Testis XXXIII a quonam se audi- visse nescit.

Quum legitimam famae originem ac intimam eiusdem naturam hactenus obscurare incassum Animadversio contenderit, ultimum praesidium quaerit ad eam oppugnandam in verbis Benedicti XIV, unde magnum damnum causam nostram accipere posse putat, de- ficiente populi frequentia ad Ancillae Dei sepulcrum. Pontificis sa- pientissimi verba, quamvis prae oculis iugiter habenda, cum tamen peculiarem casum attingant, non ita sunt accipienda et adeo ur- genda ut si nunquam adfuerit vel cessaverit populi concursus ad alicuius Dei Famuli tumulum, etiam sanctitatis famam numquam extitisse aut penitus extinctam dicamus. Nam communis hominum existimatio ac devotio pluribus aliis indiciis manifestatur, et fieri potest ut fama perduret, vel etiam creverit, licet extenuata sit ho- minum, frequentia qui venerabundi ad tumulum accedunt. Id reapse contigisse in causa, qua de agimus, planum fit ex apertissimis te- stimoniis illorum, qui passim tradunt famam sanctitatis Ioannae Delanoue et olim viguisse admodum et modo amplissime patere diffusam, quamvis populus ad sepulcrum frequens accedere nequi- verit et nequeat, siquidem usque ad annum 1796 Salmurii in sa- cello Sororum a Providentia extitit, et ab anno 1881 in sacellum domus principis earumdem Sororum ad S. Florentium prope ipsum