NEAPOLITANA 595

atque celebratum die 12 Martii 1877 coram parocho Ec - clesiae S. Annae oppidi Boscotrecase, ubi et Angelus domi- cilium habebat.

Tales nuptiae, quae asseruntur conciliatae absque Ma- thildis consensu, imo ipsa reluctante, prorsus infelicem sor- ti tae sunt exitum. Nondum enim sponsi duos menses in vita coniugali transegerant et iam, ut ipsi narrant, dissi- dia inter eos exorta erant, quae statim continuas rixas, iur- gia, conviciaque pepererunt. Uxor pluries deseruit virum, aufugiens cum amasiis, ac tandem post unum annum cum dimidio a matrimonio, vita coniugalis definitive dissociata fuit, utroque in adulteria proruente.

Postea vero miserentis Dei auxilio Mathildes sua peccata deflens ad piam Domum sub titulo Boni Pastoris Neapoli confugit, ubi et in praesens moratur. Edocta decursu tem- poris, sicuti refert, de nullitate sui matrimonii ob consen- sus defectum, supplex neapolitanam Curiam adivit, expostu- l a t , ut matrimonium ab ipsa cum Angelo initum, nullum atque irritum declararetur ex deficientia consensus ob metum reverentialem coniunctum cum minis.

Curia Neapolitana, accepta actricis instantia, canonicum processum initiavit, omnibusque de iure servandis servatis, sub die 4 ianuarii 1893 hanc protulit sententiam : « Ma- trimonium initum die 12 Martii 1877 inter dominum An- gelum et Mathildem fuisse irritum, cassum et nullum ex defectu consensus dominae Mathildis, quippe certo a domina ipsa contractum ex coactione et metu gravi a causa libera iniuste illato ad consensum ad matrimonium extorquendum ».

Disceptatio Synoptica

V O T U M T H E O L O G I . Voluntarium, uti notum est, duplici elemento constat, sc. intellectus cognitione et voluntatis in- clinatione, ita ut quidquid unum vel alterum ex his ele- mentis tollit vel minuit, tollit vel minuit voluntarium.

Iamvero, quamvis aliquot testes videantur negare in