SANCTI CLAUDII 599

p tus iudex delegatus, in hac causa pronuntio et decerno constare dé affinitate in primo gradu lineae rectae inter sponsos, orta ante eorum connubium ex copula illicita sponsi cum matre sponsae, vique huius impedimenti dirimentis non dispensati matrimonium in parochia Champvans die 20 Apri- lis anni 1873 contractum a D. Alberto cum D. Alicia in- validum fuisse ».

Contra hanc sententiam Albertus reus conventus appel- lationem interposuit penes Curiam Archiepiscopalem Lug- dunensem; quae die 7 Aprilis 1900, sententiam S. Claudii reformavit, et sequens obtulit iudicium:

« Viso textu tituli XIII libri IV Decretalium quo im- pedimentum affinitatis ex illicita copula dirimit matrimo- nium dummodo probetur; diligenter consideratis omnibus et singulis instrumentis processus primae instantiae, quibus Albertus et Alicia declaraverunt nihil addendum habere; auditis quoque animadversionibus defensoris vinculi matri- monialis ;

« Attento quod ad declarandam nullitatem matrimonii iam contracti propter impedimentum dirimens affinitatis il- licitae, hoc impedimentum debet esse, non mera praesum- ptione fundatum, sed aut publicum et notorium, aut idoneis testibus comprobatum (Lib. IV Decret, tit. XIII, c. S); nec sufficiunt ad illud affirmandum, confessio coniugum et rumor viciniae (ibid. c. 5 ) ;

« Attento quod matrimonium initum inter Albertum et Aliciam fuit in facie Ecclesiae contractum, quod idem sine ulla reclamatione, scilicet per annos fere viginti; quod in- super ex eo intra illud tempus nati fuerunt tres infantes;

« Attento quod instantia et allegationes actricis Aliciae, in legitimam suspicionem veniunt quae ante sententiam Ec- clesiae divortium civile petiit et obtinuit, et postea matri- monium civile cum Laurentio Philiberto contraxit ;

« Attento quod e nimia familiaritate quae adfuisse vide- tur inter Albertum et Ludovicam, ante matrimonium in causa, non certo probetur secutam fuisse copulam carnalem