606 NEAPOLITANA

gelo vehementi voluntatis impetu compulsam nupsisse ex- templo percipit.

Praeprimis audiendus est Angelus, qui in iudiciali exa- mine narrat : quando Mathildes manebat apud coniuges Pa- duano, proposui eidem si vellet mecum matrimonium inire. Illis diebus moerore angebatur, eo quod iidem coniuges Pa- duano constituerant remittere Mathildem apud religiosas SSmae Annuntiationis. Puella ita gaudens excepit proposi- tionem, ut quasi dubitaret de veritate. Elapsis duobus men- sibus vere puella restituta fuit apud Religiosas, quae per septem menses permissum dederunt, ut coram eisdem loquere- tur de matrimonio quamcitius ineundo.

Longe aliter rem narrat Mathildes : at facta inconcussa ipsam iugulant. Praeterquam quod enim non facile Angelus una cum matre molestiam Mathildi in gynaeceo attulisset, sanctimonialis gynaecei praeses dubio procul haud sivisset, Angelum per septem circiter menses ad invitam Mathildem, pluries quolibet mense, accedere et eam alioqui: nec sancti- monialis aliique pii loci moderatores Angelo in Mathildem amore aestuanti suasissent eam e gynaeceo educere, ut in- vitam citius uxorem duceret. Heic obiter adverto consulto- rem theologum iure optimo merito mirari, quod nec moniales nec alii pii instituti moderatores ad examen a reverendis- sima Neapolis curia adducti sint.

Sed veri, inquis, simile minime est puellam venustate praeditam ac civili vitae cultu, hominem agrestem atque de- formem amore prosequi. Responsio est in medio: nec ego cre- do, Angelum Mathildis, cor captivum fecisse. At non ea erat Mathildes ut non nisi ei nuberet ac sui copiam faceret qui suum cor captivasset, nubere, cito nubere illa percupiebat, ceu ipsa ore fatetur et testes referunt.

Ipsamet actrix refert: quod in aetate 12 annorum re- ducta fuit apud pium educationis locum ; et dein tradita con- iugibus Paduano, apud quos lacessita maiorum hominum ca- lumnia, pati etiam debuit medicorum visitationem, a qua in- tegritas eius probata fuit. Non inficior medicos cognitores