ROMANA 611

schedulas ab eis subscriptas. Vel agatur de attestationibus quae habeant sufficiens fomentum adminiculorum, ex quorum coniunctione ista imperfecta probatio perfecta fiat ».

Instat denique, omni exceptione maiorem esse attestatio- nem Episcopi Ragusini sub die 23 Feb. 1895, quae robora- tur attestatione Ordinarii diei 27 Maii 1895.

Notat patronus non posse morbum negari eo quia exte- rius non pateat. Etenim S. C. C. his similibus de causis recognoscere solet infirmitatem, infirmi conscientiam one- rando ; uti colligitur ex Troiana 15 Nov. 1710; et in Tranen. 12 Sept. 1750, qua proposito dubio « An costei de legitimo impedimento abessendi a choro, ita ut debeantur distribu- tiones quotidianae in casu » responsum fuit « Affirmative, onerata conscientia oratoris ».

Dein gradum faciens patronus ad secundum declarandum dubium, contendit teneri capitulares S. Hieronymi solvere infirmo canonico omnes fructus canonicatus, quos a die 1 Iunii 1895 detinuerunt et detinent. Legitima enim absen- tiae probata causa, instat orator, liquido fluit competere absenti omnes fructus beneficii quod possidet. Sane Pontifex Grogorius IX cap. Quum percurs. de der. aeg., Candido Episcopo Urbevetano rescripsit « Fraternitatem tuam horta- mur , quatenus latorem praesentium ad percipienda, quae consueta sunt ab Ecclesia tua, aegritudo sua non debet im- pedire : quia si alii eius essent exemplo deterriti, forte non posset qui militaret Ecclesiae inveniri, sed secundum eius ordinem quaecumque si sanus esset poterant .ministrari, de ipsa exiguitate, quae Ecclesiae potest accedere, Fraternitas tua praebeat aegrotanti ». Unde Glossa notat, quod infirmus inservire intelligitur, et omnia percipere debet ac si sanus esset ; satis enim affligitur ipsa infirmitate.

Infert Fagnanus, in comm. ad die. Cap. n. 11, cano- nico infirmitatis causa absenti, deberi non solum fructus, sed etiam distributiones quotidianas, dummodo tamen infir- mitas sit principalis causa non serviendi.

Quod confirmatum est per S. C. C. In Reatina 5 Mar-