612 ROMANA

tii 1667 qua censuit dandam esse declarationem, alias editam, sequentis tenoi'is, « Canonico infirmo, durante eius infirmi- tate quamvis choro non intersit, deberi fructus omnes sui canonicatus neG non distributionem, dummodo ante infir- mitatem fuerit solitus suae Ecclesiae inservire ».

Ceterum pergit patronus, ad effectum abessendi ac lucrandi distributiones in absentia, haud illud exigitur infirmitatis genus, quod aegrotum lecto aut domi necessario detineat, sed satis est quod ex chorali servitio morbi etiam levis incre- mentum timeatur. Ita Reiffenstuel lib. 3 dec. de Cler. non resid. §7 n. 193. Schmalzgrueber tom. 1 tit. 4 § 4 n. 86. Pignatel. Consult. 115 n. 67 tom. 9.

Praeterea advertit orator, canonico obesse non debere defectum indulti a die 1 Iunii 1895 ; siquidem ipse enixius idem efflagitant, sufficienter docens gravem sui morbi vim, quum indulti prorogationem obtinere non potuerit ob resi- stentiam capitularium. Imo dolet patronus, postulationi a canonico datae ad S .C .C , aliam fuisse a capitularibus suf- fectam, falso confictam. Unde arguit orator, iure meritoque S. C. C. indultum prorogasse tantum ad exitum mensis Maii 1895 quum ulterius se non potuerint protrahere mo- rae itineris. - Quare concludit, non iure sed iniuria, expirato prorogati indulti termino, capitulares omnibus fructibus ca- nonicum, ex comprobata infirmitate absentem, privasse.

Demum orator, ad tertium dubium veniens, asserit ad summum distributiones tantum quotidianas suo clienti dene- gandas esse, nempe tertiam partem fructuum praebendalium, dato sed non concesso, legitimam non adesse infirmitatis causam.

Quum capitulares autument, quod Constitutione « Sapien- tiam Sanctorum » Sixti V, lex facta sit, proventus et fru- ctus omnes in distributiones quotidianas repartiendos esse, reponit patronus, utique Constitutionem cavere « proventus reditus. . . . . . distributionum quotidianarum inter praesentes dividendarum et repartiendarum » sed item praebendas assi- gnare « totidem praebendas pro sex canonicis ». Praeterea