Albert the Great, Commentarii In Psalmos

Dicit ergo : Non tantum hanc quam praedixi vilem venditionem sustinemus : imo " posuisti nos, " tamquam in hoc fixos. In Orig. Posuisti ostendit immobilem esse possessionem : ibi enim diuturnius esse creditur, ubi et positus. " Opprobrium. " Ecce irrisio. Psal. cviii, 23 : Factus sum opprobrium illis : viderunt me, et moverunt capita sua. Thren, III, 61 : Audisti opprobrium eorum Domine, Ezech. v, 14 : Dabo te in desertum,et in opprobrium gentibus... in conspectu omnis praetereuntis. " Vicinis nostris : " unde gravis afflictio. " Subsannationem, " quae fit contractione nasi, " et derisum, " qui fit ore. II Paral. xxxvi, 16 : Illi subsannabant nuntios Dei, et parvipendebant sermones ejus, illudtbantque prophetis. Jerem.III, 14 : Factus sum in derisum omni populo meo. Omnes subsannant me, quia jam olim loquor vociferans iniquitatem, et vastitatem clamito. " His qui in circuitu nostro sunt. " Psal. xxx, 14 : Audivi vituperationem multorum, commorantium in circuitu, non intus ingredientium : homines enim sunt qui semper circumeunt bonos, modo hinc, modo inde, sed numquam intrant ad illos, ut illis similes efficiantur in conversatione et vita. Psal. XI, 9 : In circuitu impii ambulant. Job, XIX, 12 : Obsederunt in gyro tabernaculum meum. Et tales vitam illorum irrident et parvipendunt. Psal. xxx, 12 : Qui videbant me, foras fugerunt a me.

" Posuisti nos in similitudinem. " Hic secundum, in quo subjungitur irrisio ab extraneis. Et primo, irrisio verbo. Secundo, signo, ibi, " Commotionem. "

Ait enim : Sic a vicinis et propinquis : et etiam " posuisti nos, " id est, stabiliter fixisti, " in similitudinem, " maledictionis et improperii, " Gentibus, " et remotis, ut dicant: Maledicat tibi Deus : sicut illis Nahum, iii, 6 : Contumeliis te afficiam, et ponam te in exemplum. Job, XVII, 6 : Posuit me quasi in proverbium vulgi. II Paral.VII, 20 et 21 : Tradam eam in parabolam, et in exemplum cunctis populis, et domus ista erit in proverbium universis transeuntibus. Jerem.XXIX, 21 et 22 : Percutiet eos in oculis vestris : et assumetur ex eis maledictio omni transmigrationi Juda.

Vel sic : " Posuisti nos Gentibus, " id est, comparatione ad Gentes, " in similitudinem, supple, Christi: quia contumeliis nos afficiunt, et miseriis, sicut ipsum affecerunt. Joan. xv, 20 : Si me persecuti sunt, et vos persequentur. Sap. xviii, 11 : Simili autem paena servus cum domino afflictus est, et popularis homo regi similia passus. " Et posuisti me commotionem capitis, " ad deridendum, " in populis, " sicut Christo in Passione factum est . In Psal. XXI, 8 : Omnes videntes me deriserunt me, etc. Thren. II, 15 : Sibilaverunt, et moverunt caput suum super filiam Jerusalem. Augustinus : " Hoc Domino, hoc omnibus " Sanctis ejus, quos persequi, quos " eruere, illudere, tradere, affligere, oc-" cidere potuerunt. "

" Tota die verecundia. " Hic tangitur continuatio in irrisione illa. Quasi diceret: Sic irrident, et irrisionem continuant : quia " verecundia mea, " id est, facta et verba, unde verecundia est mihi,

" est contra me, " hoc est, contra illa quae merui. Non merueram ut talia mihi fierent, unde verecundiam haberem, et hoc " Iota die. " Vel " coram me, " id est, ante oculos meos. Psal. CI, 9 : Tota die exprobrabant mihi inimici mei. Jerem. xiii, 22 : Revelata sunt verecundiora tua, pollutae sunt plantae tuae.

" Et confusio. " Hic est tertium, in quo ostendit irrisionis effectum.

Ait enim : Sic irrident, et ex hoc accidit, quia " confusio faciei meae, " non conscientiae interioris, de qua Eccli.IV, 23 : Est confusio adducens peccatum, scilicet ignominiam. " Cooperuit me. " Non dicit faciem tantum, quia confusio a facie quasi per totum corpus descendebat. Jerem.III, 25 : Dormiemus in confusione nostra, et operiet nos ignominia nostra. Psal. lxviii, 8 : Quoniam propter te sustinui opprobrium, operuit confusio faciem meam. Sed quomodo operuit confusio, Cassiodorus ostendit in Glossa : " Quasi quodam pallio. " Color enim quoddam vestimentum est. Matth. VI,28 et 29 : Considerate lilia agri quomodo crescunt : non laborant neque nent. Dico autem vobis, quoniam nec Salomon in omni gloria sua coopertus est sicut unu m existis.

" A voce exprobrantis. " Hic est quartum, in quo ostendit causam, et tangit triplicem causam, scilicet triplicem adversariorum perversitatem. Oris. Cordis. ibi, " A facie inimici. " Et operis, ibi, " Et persequentis. "

Ait enim : Sic irrident, et unde omnia haec? " A voce exprobrantis, " in aperto, et in facie. " Et obloquentis, " scilicet detrahentis occulte. Psal. lxxii, 8 : Cogitaverunt, et loculi sunt nequitiam, scilicet in occulto : iniquitatem in excelso locuti sunt, ut aperte audiri pos- sent. Job, XVI, 11 : Aperuerunt super me ora sua, et exprobrantes percusserunt maxillam meam. Nec ad hoc tantum, " imo a facie, " id est, a praesentia " inimici, " qui me odit corde : " et persequentis " ore. Quasi diceret Martyr : Adversarii me persequuntur, voce, et corde, et opere. II ad Corinth IV, 8 : In omnibus tribulationem patimur. Et dicit, " Persequentis, " id est, perfecte insequeris. Quasi diceret : Non tantum insequuntur usque ad vultus confusionem, nec usque ad corporis interfectionem, sed etiam usque ad animae perditionem. Cassiodorus : " Odium probatur " acerrimum, quia non solum corpus ex-" stinguere, sed etiam ipsas animas cuti piant sua pravitate trucidare."Jerem.VI, 23: Crudelis est, et non miserebitur : vox enim quasi mare sonabit terribiliter, et amare. Sed consolatio est, Matth. x, 28 : Nolite timere eos, qui occidunt corpus, animam autem non possunt occidere : sed potius timete eum, qui potest et animam et corpus perdere in gehennam.

"Haec omnia venerunt. " Hic secundum tertiae partis totius Psalmi, in quo postquam ostendit quanta mala sustinuerunt, intendit ostendere quod haec non meruerunt : et dicuntur duo. Primo, quod in his omnibus nulla fuit ipsorum a Deo aversio. Secundo, supponitur ratio, quare aversi non sunt, ibi, " Si obliti sumus. " In prima duo. Primo, quod non sunt aversi a Deo in tot miseriis. Secundo, quod inde bona sunt assecuti, ibi, " Et declinasti. "

In prima tria, secundum triplicem modum avertendi se a Deo. Primo, avertunt se quidam a Dei potentia per infidelitatem. Sed hoc primo negant sancti de se. Secundo, a sapientia ejus, et lege, per inobedientiam. Et hoc removent secundo, ibi, " Et inique non egimus. " Tertio, a bonitate per desperationem. Et hoc auferunt tertio, ibi, " Et non recessit retro. "