PACENSIS 617

Episcopus et Capitulum unanimiter convenerunt imponere praeter expositionem Sacrae Scripturae in Seminario aut alio loco ab Episcopo designato sex conciones annuas, huic Prae- bendae iam cum duabus et antea cum quatuor gravatae. Exercitiis litterariis peractis, omnes candidati interrogati fuerunt an promitterent et darent fidem adimplendi exacte ac religiose munera et officia huic Praebendae in litteris convocatoriis praescripta: uno ore omnes responderunt affir- mative. Electione facta, electus ad Praebendam Lectora- lem, qui fuit ipsemet orator, ante collationem canonicam iterum fuit interrogatus an acciperet dictam Praebendam cum omnibus officiis et oneribus illi in edictis convocatoriis impositis, ad quae respondit affirmative, et cum iuramento astrinxit se. Tunc venit in possessionem huius Praebendae et ex eo tempore (ann. 1892) usque hodie nulla protestatio ab oratore allata fuit, sed e contra onus sex concionum sine ulla animadversione adimplevit ».

« Episcopus et Capitulum praedictum onus imponentes Praebendae Lectorali suo iure usi sunt, innixi lege edita in nostra hispana natione concordia ambarum potestatum, a qua originem ducit praxis hodie in Hispania universalis imponendi canonicis dictis de officio praeter onera institu- tionis canonicae obligationem praedicandi nonnullas con- ciones, quarum numerus in edictis convocationis designa- tur. In hac natione vix est Cathedralis in qua praedicti canonici hoc onus praedicandi aut aliud gravius non habeant supra illud a Concilio impositum. Haec praxis universalis sancita est a Nunciatura Apostolica et confirmata a variis S. C. C. resolutionibus. Inter alias sufficiat recensere da- tam 22 Apr. ann. 1882 super precibus canonici Lectoralis Salmanticensis, qui cum esset iam valde senex, insuper ae- grotus et cum eximiis meritis ab ipso Ecclesiae et cum exi- miis meritis preces ad S. S. elevavit, petens gratiam exo- nerationis quatuor concionum, quibus gravata fuit praebenda Lectoralis praeter onus exponendi Sacras Scripturas. Du- bium propositum fuit S. C. C. his verbis » : an Canonicus