TUNQUEN. 621

Contra hoc decretum Parochus Arenas Sacratissimum Principem hoc supplici adiit libello : sese, ait, postquam paroeciam obtinuerit, investitum quoque fuisse praebenda canonicali, et iuxta Bullam erectionis cap. XI reditus per- cepisse; attamen R. P. D. Agnozzi, delegatum apostolicum, arbitraria interpretatione legis pontificiae, decrevisse quod etsi Parochus fiat etiam canonicus, statim ac investitus fuerit de paroecia, tamen titulus hic haud confert eidem ius ad suos faciendos redditus talium praebendarum, sed tantum ut fiat Canonicus honorarius.

Bullam erectionis nullam fecisse distinctionem aut re- servationem damno Parochi canonici, colligere est ex ver- bis ipsis citatis in Decreto R. P. Domini Agnozzi Cap. XI. - Interest omnino ut in nova Cathedrali Ecclesia (Tun- quensi) condecens instituatur Capitulum, quod tum Cano- nicos, tum Mansionarios, seu Carelianos complectatur; scilicet huiusmodi Capitulum constare debeat duobus Ca- nonicis dignitatibus, nempe Decano et Thesaurario; duobus Canonicis de officio, nempe Poenitentiario et Theologali ; duobus Canonicis ut aiunt de mercede Parochus autem ipsius Ecclesiae Cathedralis, ipso facto quod Paro- chus est, iisdem Canonicis accenseatur ».

Bulla pontificia, septem constituit canonicos inter se distinctos, eisdem tribuendo par ius ad praebendas; et quoad redituum perceptionem nullam fecit distinctionem inter ca- nonicos de speciali nominatione et Parochum implicitae no- minationis. Hinc absonam videri restrictionem ad id tantum peractam, ut Parochus renuntietur canonicus honorarius, absque iure percipiendi reditus, a Bulla ipsa assignatos, dum simpliciter dixerit : « Parochus autem ipsius Ecclesiae, ipso facto quod Parochus est, iisdem canonicis accenseatur » cum omnibus iuribus, quum nulla fiat distinctio. Nihil enim excipitur, ubi non distinguitur nihil.

Delegatus apostolicus, ut cohonestare! operam suam, asserere coactus fuit , Bullam sex , non septem instituisse praebendas, ceu colligitur ex praemissis Decreto, de quo