TUNQUEN. 625

dralis, suapte natura, non sunt incompossibilia, quippe exer- centur sub eodem tecto, ut loquuntur canonistae et passim sub una tantum praebenda inveniuntur copulata. Quocirca decernent E E . P P . an, quatenus opus sit, debeat consuli SSmo super dispensatione a lege Tridentina, hac de re. - Equidem in themate agi videtur, ut Summus Pontifex di- gnetur interpretari Bullam erectionis, cuius verba vel dis- pensationem legis iam continent, vel expressam dispensa- tionis mentionem desiderant vel intelligenda sunt iuxta de- cretum apostolici Delegati.

Modo transeundum ad alteram quaestionem, an nempe canonicus Thesaurarius obligatus ad Missam conventualem canendam quibusdam solemnioribus diebus, eamdem etiam per turnum hebdomadarium canere debeat.

Hoc ab ipso expostulat decretum apostolici Delegati, cuius verba quum in actis non prostent, non valet desumi cuinam fundamento iuris communis vel particularis inni- tatur. - Ius commune hac de re constituit celebris Const. Bened. XIV « Cum semper oblatas », unde omnibus cano- nicis indiscriminatim obligatio inest canendi, per alternas vices, Missam conventualem. - De iure particulari Ordi- narius testatur, nihil contineri in Bulla erectionis ; con- suetudines vero inibi vigere ut eximatur ob onere hebdoma- dae qui missas solemniores canit per annum. Quamobrem in praesentiarum tantum delibanda est intentio iuris com- munis, ut concilietur cum iure particulari.

Iam vero ex una parte certum est omnes Capitulares per turnum missas conventuales celebrare debere; nam S. C. C. in Ariminen. Missae conventualis diei 18 Sept. 1851, II Dubio « An Archipresbyter teneatur per turnum cum canonicis celebrare et applicare missam conventualem, ut supra; et quomodo turnus sit servandus in casu » re- spondit: « Affirmative per turnum, incipiendo ab Archipre- sbytero. - Item in Faventina Missae conventualis ; quoad onera Eccl. Collegiatae Terrae Cotiniolae, ad I Dubium « An ad celebrationem et applicationem Missarum teneantur

Acta, Tom. XXIX. rase. CCCXLVI. 40